¹ Yuonba k Amlean kpanbala nba be yenba po na, nan kananian nba kpanbala nba k fɔk nan mɔkl na nba gbat linba k kaagbennu yennu tun k tul Islaael tieb, k b sonm tinkuonŋ mɔkl na ninŋ k puot na, k jaŋmaami suolib bonciann k b piin k jekl Islaael tieb tuann. ² L yu e k yennu yet Ssuwe a: kpieet taana k li tie nan juk banjiak na, k kokit Islaael tieb puna munle po. ³ K Sosuwe kpiel taana na, k tienn nan juuk banjiak na, k kokit islaael tieb puna Alalot kunkonn paak. ⁴ Linba na paake k bin din kokit b puuna niib na kul nba din nyii Esipt na, l jab nan kunkɔnkɔnna kul din kpo paapieonŋ nan ninŋe sɔnnu ni baa din nyi Esipit na puolpo, ŋanm b din k kokit b puuna. ⁵ Binba din nyi Egipt na kul din kokit b puuna wa, ŋaan binba k b din maalib paanpieonŋ ni ba din be sɔnjɔk ninŋ Esipt nyinu puolpo, ŋanm b din k kokit b puuna ⁶ K l maan Islaael tieb waas din sonm biina piinna paanpieonŋ ninŋ nan yuonba k b kun kɔnkɔnna kul din tan kpo, k maan b din k gbiint kagbennu yennu kunkɔl, k kagbennu yennu pol a u kan te k bin la duo nba k u yennu pol a u kan te k bin la duo nba k u daan puon na u saa tul b yiejanm na, duo nba k siat nan naabiin be na ni. ⁷ Ŋaan b waase k k u jiib k senm b setu ni, k Sosuwe kokitib, k maan b din k kokit b puuna yuonba k b din be paapieonŋ ni na. ⁸ Baa din kokit b puuna k gbenn yuonba, b din bial be b binbeboa e nan baa tan paak. ⁹ K kagbennu yennu yet a Sosuwe a: dinna n nyinn fei nba din tu be i paak Esipit na a. K l buole k b pul lenŋ sann Gilgal nan dinna. ¹⁰ Islaael tieb din bial Gilgal e, lenŋe k b din dii pak janm ŋmaalk daa piik nan ŋana, l daal daajiok Seliiko paanu ni. ¹¹ Pak daal sannŋafaatuk, b din dii duo manŋ nipaanu yonme, paanu nba din ka daatinŋ lenŋ, nan nanpulkala, b din diil l daal manŋ. ¹² Pak daal sannŋafaatuko k mann ji din ka, k b dii duo manŋ ninŋ paanu, Islaael tieb ji din k ban la maan ,k di kana duo tinŋ nba nan linba l binn manŋ. ¹³ Sosuwe nba din naakin selika, k u gogit got, k la k jasua sie u numpok dia juuk yann u nu ni. K u saan u buol k yetɔ a, A tie ti ninŋni yenɔ ami a tie t daatalee ? ¹⁴ K u jii na ; ai, ŋaan n tie kagbennu yennu kunkɔ nkɔnnɔe, k baat mɔtaana. Sosuwe ba faabin tinŋ ni ŋaan yetɔ a: N yonmdaanɔ yaan pak be k tul u tuontunnɔ ? ¹⁵ K Kagbannu yennu kunkɔnkɔnnɔ na yet Sosuwe a: nyiint a taasa na taa ni, k l maan sian nba k a sie na tie kasie. K Sosuwe tien nna.