¹ K yennu pak sosue a: fiit k jii kunkɔnkɔnna na kul k saan nanm Ai duo ni. a daa tiin jaŋmaanii; kuo k te k yan puti; n saa te k a kɔn k nyann Ai bat; k u niib nan u tinŋ nan u duo kul sii tie a yale. ² A saa tien Ai nan u bat kul nan fa tien seliko nan u bat biaŋnba nae; ŋaan ii jii b faal nan b bonkobit k tien yal; tient siil k nyi duo na puolpowa k lekib. ³ K Sosue jii u kunkɔnkɔnna kul ; k saa a wun lek Ai u din gaan jab nba mɔk paalu; tutaa piintae; k din saan nanm nyiɔk. ⁴ K din paak mɔbona na a: ti bol manŋi k tien siil nan kɔnn. ⁵ ŋaan min nan niib nba kul tenn n buol na n ji piin kii naki duo na. bii nyii yuo nba a bin lekit nan sinsinn na; t saa ciale; ⁶ K bin wei pikint; k tin fɔkit nanm duo nan k maan b sii duki a: t yaan tii nan ba daan pikint sinsinn; k t tiin nae; ⁷ Yin bɔkt ii bɔla ni l yuo na; k kua lek duo na k t yonmdaanɔ yennu i saa t k yin kɔn k nyann duo na. ⁸ Ii kua duo na ni yuo nba yin juol muu; k tun nan yonmdaanɔ yennu nba pak biaŋnba k n wanni na. ⁹ ŋanne k Sosue te k b nyii k saan b bunbol buol; Ai yendopo. ŋaan k Sosue bial k dual ŋua nan niib na. ¹⁰ Laa tan yent sanyiaɔpo ni; k Sosue tikl kunkɔnkɔnna na; k nan Islael tuontunn danm k b saan Ai. ¹¹ Kunkɔnkɔnna nba k u din tɔk nanm na kul din saan duo na tanmɔjal poe; k tien b kaanŋ; Ai sunsuuk ni. ¹² Sosue din jii nan jab tutaa ŋanŋmu nae wa; k te k b bɔl muuk ni Betel sunsuuk ni; duo na yonbaa po. ¹³ B din be kunkɔnkɔnna na set b sienü nie binba be kaanŋ ni na din set k jiin ganŋpoe k binba be bol ni na mun set, k jii yuonba po. nyiɔk manŋ , k Sosue sik bauk na ni. ¹⁴ Ai bat nba la n na yuo nba na; k Ai bat nan u kunkɔnkɔnna fiil yiama; sannyɔ pob ni; k k saan lek Islael tieb nan kunkɔnkɔnn; k bat jii u niib k b tɔkin suldan mɔkil bauk na po; ŋaan u din k mi nan; u din bɔl niib duo na puolpo. ¹⁵ K Sosue nan Islael niib kul din tiine; k ŋmat puolpo; k tɔk kunkuok sonu na. ¹⁶ K Ai tieb yiin b lieb kul a bin wei pikin Islael tieb. b din wei Sosue; k saa fɔkit nanm duo na. ¹⁷ Jual din tenn Ai; ku betel; k k nyii wei; Islael tieb; k nyii; k yaan duo na; ŋaan weib. ¹⁸ K yennu pak Sosue a: jii kpan nba be a nuu ni na; k tɔkin Ai po; k maan n sa jii duo manŋ k tien a nuu ni wa. k Sosue tant kpann na k jiin Ai po. ¹⁹ Wa tant u nuu yuo nba, k Job nba bobe bɔla ni muuk ni na; fiil yianma; k kaki; k kua duo na ni; k nyann duo na k juol muu. ²⁰ K Ai niib na nba ŋmat jiant got b puolpo; ŋanm la munyuut kukuae duo sanpaapo; b din ji k maan ; binba k b din wab na ji din ŋmat tunn b paake k waab. ²¹ K maan Sosue nan Islael tieb na nba din la nan binba bo bɔl na; nyann duo na k juol muu; k munyuut ji do sanpaapo na; k b ŋmat pikin Ai jab na. ²² K lieb na nyii duo na ni; k cetib; k kaan lint Ai jab na k Islael tieb wei k kpiib ; ba na yennɔ kua wa k tenn k fuo; kuo k cial. ²³ K b suol Ai bat na; k baal nanɔ Sosue buol ni fuot. ²⁴ Yuo nba k Islael tieb kpii Ai tieb kunkuok fuol na ninŋ ba weib k saan siaminba na; k ŋmat kua duo na ni; k jii jukbanjai; k kpii binba tenn Ai duo na ni kul. ²⁵ Niib nba k b din kpiib l daal manŋ din tien nan niib tutaa piik nan ŋanle na wa Ai puob nan l jab kul. ²⁶ Sosue din tiek u jpann nae; nan ba tan kpii niib na k gbenn; k bia juo duo na muu; k ba na yenɔ kua wa k tenn. ²⁷ K Islael tieb jii Ai tieb mɔkint nan b bonkobit nan yennu nba bo pak k wann Sosue biaŋnba ba. ²⁸ Sosue din juo na kul muue; k ba nan siala k tenn be nan dinna. ²⁹ Sosue din jɔnn Ai bat na kpiente tiik paak ka ka nan dajuok; k u tan tul mɔb; a bin saan jɔntua; k saan bilɔ duo na tamɔb ni; k b tien n na ; k tikil tana; k puan u paak nan dinna l tana daa be.. ³⁰ L puopoe k Sosue; ji maa malunŋ binbintl; Ebal jual paak. ³¹ Nan yennu manŋ tuontunnɔ Mouis nba din senn Islael tieb biaŋnba na. u din maal nan Mouis sennu kadauk ni, wa dia biaŋnba nae; k l tie binbintl nba k b k kpiel l tana nan kut. b din jii k mujuonu piinii nan palpienn piinii; k jokit l paake. ³² K Sosue ŋanm dian sennii nba k Mouis din dian na tann paak; k bil Islael tieb tuann. ³³ Islael tieb kul; duo nikpela; nan duo tuann danm; nan balbuula; kul din set mɔlol lakil na, loka kul poe, manntieb na tuann; binba tie Levi buolu; k din jikit mɔlol lakil na k nisaamm na nan Islael tieb kul din sie lenŋ. niib na bɔkil din sie Galizim jual tuann poe; k bɔk liel sie Ebal jual tuann po; nan Mouis nba tie yennu tuontunnɔ nba din dɔnŋ waann biaŋnba na; bii tie piisin Islael tie b paak na. ³⁴ L puolpoe; k Sosue din liil mɔbona nba kul be sennii kadauk ni na; l piisin nan l mɔtant kul k waan liel nan la ponŋ dian sennii kadauk ni biaŋnba na. ³⁵ Mɔbon sial din k tenn k be Mouis nba din dian kadauk nba na ni; k Sosue k liil; k wann Islael tieb tintaan kaanu ni; nan puob nan waat; nan saann nba be b buol na kul sunsuuk.