¹ K Kaagbennu paak nan Yob , k yet a : ² Fin nba pakil nan yabint daanɔ na , a duuamɔnŋ po ? wunba nei nan yennu na , a mɔk sial yaa jalikie ? ³ K Yob jiin k yet kaagbennu a : ⁴ maa be na , n k tie sial , n saa jaika bee ? N pii n mobo . ⁵ N pak yonm a , n jii siali , n ji kan pukin sial taal munle ni . ⁶ K kaagbennu paak jiin tul Sɔb , k l nyii wonpaaluk nii k yetɔ a : ⁷ tientn siil nan bojabik na ; k gat n buboit na . ⁸ A yiaab a fan wannin nan n tuun lunba k ŋanne ? K senni biit ni , ŋan senn a mɔnŋ ŋant niin ? ⁹ A paal nan yennu nae ? a saa fit k tian sanpapo nan ŋua na waa ? ¹⁰ Lii tie nnei , fan fiil k set nan baakl nan dont n mɔnŋ k tul a mɔnŋ yanbint nan yudant ! ¹¹ Gotil binba mɔk dont n mɔnŋ na , k kpaal a wutuol muan b paak , k sikinm ¹² A nun gotu n sikin jaapadaanm , k tien nuantont daam na yann l taakpaak ni . ¹³ Piin b kula tinŋ ni , k luon kpientinŋ ! ¹⁴ L yuo na n saa paak k dont a , k yet nan a nyann nyannu ne a tiɔnŋo . ¹⁵ Gotil bonkob gbenŋl nba tie yienn na , mine namɔ k bia mun nama ! u ŋman muate nan naab na . ¹⁶ Panŋ k nami u siak ni , ki yikuo gbie u puol nanbɔa ni . ¹⁷ U yuol sinsonn nan kpek na , k u nanni ni jiina kuut liel ni . ¹⁸ U kpaba wakiee nan kutmɔnt na , k u taa tie nan kut lanbanna na . ¹⁹ Yennu naami ni kul , ŋoe cie , k wunba ndmɔ ne kukua e saa fitɔ . ²⁰ Muuk nba k nu ŋman na be juat nie , sianinba k muuk ni bonkobt jelin na . ²¹ U dua kunkoni nba sie kaal nba be bakil ni na nyaka ni a . ²² K kunkoni na baak u paak , k kpenu ni wali na kaan k litua . ²³ U ki tiin nyunmɔnn jaŋmaani , suuldin mɔkil ii lee gbie k tan liatɔ , yaan u duae suoo .ŋmee saa fit juan u ninbina yaan suolɔ ? ŋmee saa fit juan u ninbina yaansuolɔ ? ²⁴ ŋmee saa fit suol k fut u mianaa ?