¹ A mi pawann nba maal yuo nba a? A suli mɔnei nba maal yuo nba? ² A mi baa tuu suol puob, ki l wei bian nba k tan maali? ³ B tuu tan buani waa k maal, k fiit nyii gbanant yetu ni. ⁴ B waas tuu b muuk kpatl k mɔk panŋ, k jii lin k tan yaat k san banfɔkl k ji jent b buol. ⁵ Ŋmee te k boni be yanma ni, k jii baa luon lin nba? ⁶ Minni te k b kua tinŋ nba tie paanu ni, k baa dua sianba tie bonjɔkn. ⁷ K b kua k fɔk nan doi, b ki gbia b wantua yikini. ⁸ B lin jɔt ninŋe k laat jiet, k kpaan muat maa man k ŋman. ⁹ Munajak saa fit k tun k tul waa? U dua a naaloni nyiɔk u? ¹⁰ A saa fit dia u nan ŋmuu u ka kpaab k tula waa? U saa tuo tiat nasɔk a kpaab ni waa ¹¹ A fit paanu paak, k maan u panŋ yaabi? A nyiktɔ k u k tun tuona? ¹² A te k ŋua e jaan a jiet i? ŋua bia jiit k saa nann jatik paak i ? ¹³ Nuaŋ nba k b yiwu l autruche na kan fit yuuk yian yian nan janbuanlot na. ¹⁴ Ŋan nuaŋ nba k b yiwu autruche na ŋaan u jena tiŋ ni. K tanbiini te k l toŋ it k ji tan buun . ¹⁵ U tuu tanm nan b saa fit ŋma taal lin yel, muuk nibonkob bia saa fit ŋman. ¹⁶ U mɔk tonu nan u waas, nan u yab kaa na u baaka kaa nan waa maal na. ¹⁷ K maan yennu munɔ yanfuom, k bia tien'ɔ jatik. ¹⁸ U fil u tuu cial nan tanjaklɔ nba tuu cial bianba na . ¹⁹ Fin na tien tani panŋ, k lant tan gaal b tuuli ni? ²⁰ Fin na te b wak k mɔbt nan naasut na? B palman tuu te k b fuu fuut k jient niib. ²¹ B gbii tinŋ nan b panŋ k b palman, k dia bimɔŋ k kua tɔb ni. ²² B k mi jaŋmani, k jukbanjiak ka k saa te bin tun puol. ²³ K b paak loul, kpann nan tanpuk na mɔk fuut. ²⁴ Naatuna i tanŋi peb b tuu jekl e k luon b saan b kan fit set. ²⁵ Naatuna peb b b tuu yet'a ti saa man! k cil kɔn k l daa fɔk! k b Saakab kunkɔla jinm k yikin tɔb wuyik ni. ²⁶ L tie a subni paake k kɔbiak yuuk, k saa niditu po? ²⁷ Fin ne tuu wann konbiak a wun yukl k tia u tiak sanpapo? ²⁸ B kua jua ni, k l tie b binbeŋ puob, tangbant paak nan jual yuul paak. ²⁹ U tuu be leŋ ŋan goli banfɔkl k guu sial gaal u kpi k di. ³⁰ U waas nyu sɔ me, sian nba k bokpinn be, konbiak be leŋ.