¹ K yennu din pak k jiin Job tangbulunŋ ninŋ k yet a: ² A tie ŋmee; k bilit n yanfuon po; k ki mi sial ŋann piak jat maan mi. ³ Tient siil nan jua na; k n boia buboit: k a wann'n. ⁴ A din be yuo nba k n nan dulnya naa? lii tie k a mɔ subinii fan wannin. ⁵ A mi wunba din senn I yabit nba sii tie bianŋnba? ŋmee jii ŋmiuk k bikin I yalimu? ⁶ Bee tie I jaantaliki? kuo ŋmee din bil I fiakli? ⁷ L daal sannya faal; k ŋmaabila taan lieb k yin palpien yanŋ; k malaka nba yinkin palpienn wuyikini. ⁸ ŋmee din gual mɔkl nyun tona; yuo nba k u din put k nyi tinpual'ni na. ⁹ Yuo n ba k n din dɔkin mɔk gbenŋil na nan sanpa-gbounŋ na; k pɔbinɔ k u be bunbɔnin na. ¹⁰ yuo nba k n din sennɔ n sennii na; k bib kpaal; k kpal l tannɔ kuaka. ¹¹ Yuo nba, k n yet a: a saa baal dian n nae; A kan gal saam na po; A nyun pana saa dian n nae. ¹² Faa kpan be wa; a ban te k sannyiɔk yentii? ¹³ A tan ban te k l yent tingbounŋ na paak; k nyinn tuon biit dann bi bɔla ni waa? ¹⁴ K yennu yentil; kunkona nan baat ni k yentil l paak fanu nan liatl nyalimu na; k bia nyuant fanu nan yɔk waali na. ¹⁵ Daal yentu mantik yien k tul tuonbiit danm k l gɔi b tuon biit tumu. ¹⁶ A mi saan nyuntona nba be mɔkgbenyil tinŋ po na buolii? A tanban somm mɔknyun tinŋ po waa? ¹⁷ Sua ban wanna kpientiny tanmɔ kuaka nba luo biany nba? ¹⁸ A fit bann tingbounŋ na yabint nba jan bianŋ nbaa? pakin; lii tie k a mi linba na kul. ¹⁹ A mi bunbɔnn; kuo yentu nba nyi sianbaa? ²⁰ A saa cit wannib baa saa saan k fɔkit; kuo k jen nanm-aa? ²¹ N mi nan a saa fita; k man; a mntik kpet bonciann; k din be ma naan dulnya yuo nba. ²² A tan ban saan k gɔn ma bɔlii; saak nan sa kaana diok nba na nii? ²³ N bɔl k guun daami; nan tɔ bii yuoe. ²⁴ A mi la tɔkin bianŋ n ba k yentu bɔkti i? K yendo po wunŋ na da tingbounŋ na paak ii? ²⁵ ŋmee luot tanmɔ k tul saaki? K bia bual sɔnu k tul sa tia ni nan sanyi-kinti? ²⁶ K te k saak baa muuk ni: tin kuo nba ni k sua k kua leny na? ²⁷ ŋmee maan tinkuok na nyun; k muat pia? ²⁸ Saak mɔk baa? ŋmee mal malin mi? ²⁹ Sa kaana; nan waat naa tie ŋmee? ³⁰ ŋme te k nyun tuo wakil nan ta na na; yuo nba k waciɔny balii? ³¹ A saa fit taan ŋmalole; k taan k lolib aa? kuo k bobit linba b dia ŋmaa jali. ³² A saa fit kii ŋmakitl ŋmaajal sakil tu sakil: k bia te k bob gbenŋa nan bob bit i cali kii saa? ³³ A mi sennii nba dia sanpaaki? A saa fit te k sennu manŋ'n dia tingbounŋ naa? ³⁴ A saa fit yiin saak wun yin sanpaapo k tan baa? ³⁵ K lii tie k a yet sanyikitii a wun nyikint, u kan baal a buol k tan yet a tinme nau? ³⁶ ŋmee tien nua nii nan kolii yanfuon mi? ³⁷ ŋmee saa fit jii yenfuon k kan sanpagban-t; k te linlabil; k saak n baa? ³⁸ k te k tanbiinii n matik; k tanbul na n taan nan lieli? ³⁹ A kpaan jiet k tien yanbɔlaa? Kuo a dint yanbɔl bit k b gbuotii? ⁴⁰ Yuo nba k b dua; b tuo b tancial nie; kuo b tuo be b dinduo buole? ⁴¹ ŋmee dint kinkaati yuo nba k b lin kpaaan jit na? YUo nba k b waat yikin kon na?