¹ A saa jii tanoienu k suol bantounŋ aa? A saa jii ŋmiiuk k suol lanm aa? ² A saa jii muanu k tuun u mial minŋ aa? A saa jii gɔtuk k fut yiak aa? U saa baln'ma waa aa! ³ u saa pak nan'a kunkɔmann aa? ⁴ Fin nan ŋua saa fit lol, k wuu tie daal kul a daaablii? ⁵ A saa jeln nan'ɔ nan muanŋ na waa aa? A saa lol'ɔk a sapaanm ii jeln nan'ɔ waa aa? ⁶ Jansuola kuat b jani bunbɔnn ni ii? ŋanm nan bin nba daa biitl ee? ⁷ A saa jii satuti k puk u gbanant paak, kuu k jii kpann k caan u yul paak ii? ⁸ Tandl a mu k tuok'ɔ, k a jii kan ban tuo k pikn'ɔ ⁹ b kpann b mɔnŋ k guu'u; ŋaan wuu dɔkt, yuo nba b kul saa baae. ¹⁰ Sua kan fit te wun lebt; ŋmee saa fit set n nunm ninŋ i? ¹¹ N dia ŋmee yaa pann e?N saa pa'u tigboinŋ nna, l kul tie n yal e. N bia yaa n ŋanm. ¹² N bia yaa n ŋanm pak u gbananbɔka po e, nan u panŋ, nan u gbanant nba tie bannu nba ŋant. ¹³ Ŋmee saa donn u tial i? ŋmee saa fit kua u mɔb nii? ¹⁴ Ŋmee saa yaat u mɔb ii? u nyana ninŋ jaŋmaani be. ¹⁵ U maagbankɔnŋa nba ŋan k mɔk panŋ na, taan liel yonm e, nan b lol tabn e na. ¹⁶ Naagbankɔnŋa manŋ muub nan liel e, k wanmaan k gaal b ni. ¹⁷ B tie nan ninjanm nba taan k lol lieb, k dia lieb k sua kan fit bɔkt'b na e. ¹⁸ Wuu cintin, yentu tuu myi u manbona ni e, k u ninbina tie nan yenduol yonkpana na . ¹⁹ Mupienu nyi u mɔb ni e, k musanpuali yuuk. ²⁰ K munyuuk nyi u mɔb ni nan baa yak bonn mu paak, k wɔluk do bianŋ nba, k bia tie nan daaŋ nba tuu tonŋ bannu nba. ²¹ Wuu fuont, sankuana tuu gaal muu e, k mupienu nyi u mɔb ni. ²² K panŋ be u tulu ni, k jaŋmaan ciaɔnŋ be u munm po. ²³ K u gbanant taan dia liel, k tien'ɔ panŋ nba sua kan fit tien'ɔ sial. ²⁴ k u wub waki nan tann na, k waki nan naal na ²⁵ Wuu fiil jaŋmaani tuu suol bin nba paa e, k yanputuk n te bin cial. ²⁶ Bii piknɔ nan jukbanjiak, kuo kpann, kuo kut buonu, kuo nan naagbankɔnŋl, b bakt e, l kan tien'ɔ sial. ²⁷ U goli kunt k l tie man muat na e, k kutlanbann maan dadutunŋ ²⁸ K sian talbanpienu, tanpotana tie nan muat na e. ²⁹ U goli gbajal k l tie nan muanu na, k wuu gbatl talban-pienu mɔni, k laat mɔk'ɔ. ³⁰ U puol paak mok piini nba poln nan penkpana na e. ³¹ U te k mɔkl nyun daan nan b yakn muu paak na e, k daan pukl, nan bobl nba k nyun tuu gbie na. ³² wuu tɔknsian, yentu be u sɔnu ni e, k buotuk n yet nan nikpel yut na. ³³ finŋ na paak, sua k yen'ɔ, b nan'ɔ a u daa sian sial e. ³⁴ U solkt lin nba kul duo e, ŋua tie bonkobt nba kul be b yanni kpanbal.