1 Isofal wun nba tie naa ma nilɔ gaal mɔman k yet'a. 2 Job n dudut maab kin saa tul jiinu, k maan n kan fiit dia l manm n pal ni. 3 N gbat faa yet linba na l tie sukit e, ŋan n mi maa saa jiinna binba. 4 A ki mii nan laa nyii yaayuo ni yuo nba k Yennu din nan nissalik tiŋ na ni. 5 Niib nba bii k laat palpienn tiŋ ni na k l wei, k tondanɔ binbenŋ k yaab bii? 6 K u dont u mɔnŋ k luon u tuu sanpaak, k u yuul n tuu saapa gbant. 7 ŋan u tan saa buot e nan baat na, k bin maa tuu laatɔ jii saa yet'a a be le? 8 U jii saa bot nan daamit na, k b jii kan ban la'u a mi faat tuula dɔktu bian nba nyiɔk na. 9 Ki nininn tuu goliyɔ na jii kan gotua, sian nba kuu tu kɔna b jii kan gaalɔ. 10 K u waas saa jiin baa faat nandam bonna nba k u mɔk saa jiin waa faat linba nan jaat. 11 U tuu mia a gbie n panŋ nan nasint, nan l kul u tan sii dua tanbini e. 12 Tuonbiit tumu tuu man ki tulɔ, kuu dia bɔli u lanm paak. 13 K u tu dial ki k luon wun ŋnik l tuonbiit , k dia tuonbiit manŋ. K dia tuonbiit manŋ waa be sin nba na. 14 ŋaan u jiet tuu tan toŋ u buol, k tie nan lɔbii na u kpanant ni. 15 Mɔkit nba kuu taan, u taa saa siwa, Yennu saa nyinn wuu pol ni waa. 16 U dii linba lɔbiwa, bɔtl jeln na saa kpiu waa . 17 U ninbina jii kan la mɔka ma puub nan siat na tikpela. 18 U saa jii waa gaal linba, ŋaan u jii kan laa l nyuat, wuu saa taan waa gaal linba, u jii ki be palmann i. 19 Ki maan u te nandanm be faala ni, u biil ŋaa. 20 U nianciɔŋ na din yaab bonciann . ŋan u kan waa din mɔk linba. 21 Waa din di yuo nba wuu din k ten sial, ŋaan u beŋ beŋan na jii kan wei. 22 Waa manu ni na; ŋan u tan sii be talas , talas tan saa balɔ binba kuu faat na bi faala tan saa baa u paak. 23 Nan wun fit gbie u puol, Yennu saa yaat u wutuol muu na u paak, k dat u tubl bonciann. 24 U cial nyii kuut gbiat ni, puok k ŋmuu saa jii u waa. 25 U nyiin pini u gbanant ni, nba nyii u pol'nin na ŋan u lek saa kpo waa. 26 Linba kul kuu mɔk na saa biil, k muu maa k nilɔ kan jo na saa duu, k linba ten u lanbɔnŋ ni na sabot. 27 Sanpak saa piit u biit, k tingbounŋ na mant k biilɔ. 28 Linba tie u ŋaak mɔkint na kul saa biil, l saa saa bot daal nba k Yennu wutuol saa do. 29 Linba na e tie nyuat nba k Yennu ten gun biit danm, ŋanni tie nba nba faal nba Yennu caabua.