¹ K Job gaal maan k yet'a: ² Bee k i piak k biil n pal, nan i maan ni? ³ Taal fuunu pik e na k i suki, i k tiin fei nan yii suki nna? ⁴ Li tie k n tuun ni biit , l biit gaa n paak e. ⁵ Ii duki nan i saa tien nnae? Ii ji saa wannin nnae nan n mɔk biit'i? ⁶ Ii k la nan Yennu e tun linba na k suolin janlaunŋ'u? ⁷ Gotl nyikin sanpaapo waa, ŋaan sua k jiint, n fabne k luon mɔni ŋaan sua k tien'n mɔni. ⁸ B luon'n a, k n kan fit gal, n sɔni ni kul ji tie bunbɔnn na e. ⁹ B liat nyudant a , bin yit n foklk a. ¹⁰ B biil'n l kul a po waa, k n saa e, b fat n dindann nan tiik na e. ¹¹ B donn wutol n paak, k n ji tie b datak. ¹² Nikpila manŋ tikl k lintn'a, k luot sɔnu a binbaal n buol, k ŋaa lint n lanbɔnŋ. ¹³ B te k n naatani k nak'i, k n yuosinba baaka kaa n po. ¹⁴ N danm kul nyikn'na , n nikpiim kul tanm npo. ¹⁵ N tie saamɔe n tuotun jab nan tuontun poi bul. N ji tie wun nba k b k mi'ue b buol. ¹⁶ Mii yiin n tuotunɔ? u k jiint, mii balmɔ ŋaan yann e. ¹⁷ N nubir u paak, n ŋaapo waa, k n mɔnŋ ninjanm k naki'n. ¹⁸ K waas laa'n k yisn yuo nba k b la'n. ¹⁹ K n yɔnimɔni gol'n ninkpianni, k binba k n mantik luon'm na yet'n. ²⁰ K n gbananbɔŋ laak n kpaba paak, k l tenn waan na k n manfuol n gbenn. ²¹ Yimme tie yuasin nba tin'n ninbaɔk Yennu nuu e, faabiil'n. ²² Be k i waa muksin , nan Yennu nba muksin bianŋ nba na. ²³ Ah n suman k sua n bo tial n mɔbona na e, k dian gbounŋ ni. ²⁴ Kook bo jii sinik k jab n'mɔbona na tann paak k libe yuo kul. ²⁵ N mi nan n tinntua be k tan saa baal tingbounŋ na ni, l juontu k sonm'n . ²⁶ Yialu i lek k ii biir n gbanant, ŋaan sii be n gbant ni e k la Yennu. ²⁷ N saa la'u nan n nibina k u ji k tie saanmɔ, k n kɔnŋ pal duann k maan yaa yet a: ²⁸ Nlee k ti saa tienɔ tonti? K i kpaan yaa saa jii linba, k nyiinl'n, k lek'n. ²⁹ Mɔtana i ji tin juk banjiak na, jaŋmaan ni, k maan yanbonm paak k Yennu saa donn wutuol k jii u juk banjiak na k dat niib tuba, k saate yin bann nan sua be k tie buut daanɔ.