¹ Bildaad nba tie Suas jua na gaal maan k yet'a: ² Bia yuo e k i saa nyik balbuolu na pauu? Bia yuo k i saa nyik man paak sinsinn ni? ³ Bia paak e k b goli nan t tie bonkobt e na? Be k i duki nan t tie jatit e? ⁴ O fin nin nba ji wutociɔnŋ k biil a monŋ, a mia a kua paak e tingbounŋ na saa kpant paanpuklik a mii? A saa fit bakin tana bi yial nii? ⁵ Tondaanua muyieunŋ na saa kpant bunbonn, k mupiennuu nba di na saa kpien. ⁶ Muu nba yien u lanbonŋ ni na saa kpant bunbonn, k u fitle nba juan sanpaapo na saa kpien. ⁷ Faa mia a sonm fannu na ŋaan i sii ŋmaan , nan a panŋ kul saa bawaa. ⁸ K maan u sonm janbaunŋ paak e u taa saa lont k baa. ⁹ Baluk suol u taagbin k gungunt filua dia. ¹⁰ B pii ŋmiiuk tinŋ ni k l me baluk k dua sɔnuu ni. ¹¹ Jaŋmaani lintua waa k waa bielua. ^{12 13} Kon gbaatua waa, panŋ jii ka k talat kpiu. Yial biuk saa suolɔ k kuun saa nak u kpinkpant nan taa. ¹⁴ B saa baal nyinnɔ u ŋaaak ni, k u saa saan kpienting . ¹⁵ U lanbonŋ dua yann e sua ka lenŋ. ¹⁶ Jiina kuol tinŋ po waa , b gbat yiinii sanpaapo waa. ¹⁷ U ji ka tingbounŋ na ni; u sann ji kan mi aa. ¹⁸ U tuutɔ k nyinnɔ yinyienm ninŋ k kuanɔ bunbɔnn ninŋ, k belɔ tingbonŋ ni. ¹⁹ U k mɔk tennin ; suo bia k tenn be u duo manŋ ni. ²⁰ L saa bakt binba be mɔtaana , k yaabuona nba mun saa fiil l polpo nal saa bakt'b. ²¹ B j saa yet a, linba tenn kul e na k tie ŋua nan u ŋaatieb yal, sial bia ka k tie binba k mi Yennu yali.