¹ N manfuol gbente, k daa waatib , kaauk e guun . ² Laat kɔe lintin, k n ninbin laat bi sukit. ³ Yennu i be naanin, n nei ka ŋmee jiin tulimi? ⁴ K maan n luon b bannu e k b ki tanti; a daa te k bin nyanimi. ⁵ U yiin u yɔsinba a bin bɔkit u mɔkint, ŋaan k u waas tan di faala l paak. ⁶ U te k niib laan, k n binenŋ jii k mɔk baakl. ⁷ N pal biil na ŋman juanin ma, k n taa na n ni tie nan yinyuunŋ na. ⁸ Binba tie niŋanm na jaŋmaami suolibe, k wun nba yaa u mɔk biit na piak biiln. ⁹ Niŋanɔ ŋaan be ffnu u sɔnnu ni, k daanɔ nba k u nii ŋan paant u pal you ntu yuo kul. ¹⁰ ŋaan i kul lin jen i mɔmaan nba k i paak na ni, k n kan la yandanɔ i ninŋ. ¹¹ Be e? N daa gaal k n lola biil, n lola nba daan gbie n pal. ¹² K b yien'a nyiɔk tie yensuuk nie, k yentu naakin yuo nba k l daa tie bunbonn na! ¹³ Kpienttinŋe waa sii tie n binbenŋ buol k n gun , l bunbon ninŋ waa k n saa biil n duanu. ¹⁴ K n saa yiin kaauk a : fine tie n baa ! k n saa got k yet'a: yinme tie n naa nan n nipuob. ¹⁵ N dindann na jii be lia? N dindann na ŋmee saafit laali? ¹⁶ L dindann tan saa gaal kpienting buole wa, yuo nba k t kul saa saan dual tanbiini ni.