1 K yob gaal maan k yet a: 2 Gbiintl, gbiintl man n maan, k maan n pal 3 Nyikn man k min pak n bal'n ie, k mii pak gbenn, i saa fit kii laan. 4 I la k n fabin, k tien nilɔee? 5 k bee k k nkii luon min pak yiam i? 6 Gotl'n man, k lin bakt'i, k yin pii n mɔb. Mii dukin jaaŋmaani tuu mɔk'n e, k n gbanu ninŋ jekl. 7 Bia pak e tondanm mɔk manfuol i? bia pak e, k b tuu wei, k bia mɔk yiikuoo? 8 K waas nan yaabuona n kpaat, k b lakn be, k b pualu kpaatl b ninbina ni i? 9 K manu be b ŋei ni, k jaŋmaani kaa; b k yennu lanbann bia k süt'b. 10 K naajai mɔk bia pot, k naasala maal k k miit, 11 k waas yukt nan penaani, k waas lin jelt k kpanm, 12 k faa gingana nan biaɔk k yiin yani, k gbiintl naagbaak mɔni. 13 B manfuol kul tuu be manu nie, k tan sik kpien tinŋ nan manu. 14 ŋaa b tuu yien yennu a: nyik tinm tinfoi, faa luon linba k la tinm. 15 Yiikuo kul daanɔ tie bee, k t sii tuun tien'ɔ? t saa la bee, liitie k waa'u? 16 ŋaan bee, b k be manu ninŋ kaa aa?tondaanɔ kpan n fɔkt nan'n. 17 ŋaan yenn yuo tuu tan be, k b fita n kpien, k fala n baal b, k yennu n donn wutuol b paak 18 K b tie nan muok nba k wounŋ tuu jii yaaat nan'n, nan tangbilunŋ nba k tanpeln tuu gbit na_aa? 19 Yennu daal waas tuuba, b baa nba biit paak e? 20 ŋaanme bo saa la b tiaɔnŋ biilu, ŋanme tuu saa gaal yiikuo kul daanɔ wutuol paak. 21 B nyuat tie bee, k jiin u waas po, li tie k b kpei i? 22 B saa wann yennu e linba na ŋaan k u dia sanpaapo sei kul u nuu ni ii? 23 Yenɔ tuu kpo binbeŋanŋ, manu nan palmann ni. 24 K u loka gbie nan kpan, k bietin gbie u kpaba ni. 25 Lua mun n kpo nan dudukt, k k mi la sial a bonŋann. 26 K b banle kul n duo tinŋ ni, b banle kul kpant nan wu jiet . 27 N ban i dudukt nba tie linba, n ban dudukiit nba ki mɔk k jiin npo. 28 I tuu yaa, nilɔ nba mɔk panŋ kul na, ŋaak be lee e? k danm nba tuunbiit na, ŋei be lee e. 29 ŋaan i k ban boi binba saa sanii? i k gaan ban baa yaa lin baa aa? 30 Ninbɔnŋ ii baal, tondaanɔ tuu nyi lenŋ e, wutuol daal i baal wun fobt nyi. 33 ŋmee taal'ɔ waa tuun linba paak u nunm ninŋ i?ŋmee la'u waa tuun linba paani? 31 B ju'u saa nan'ɔ kaaɔk ninŋ e, k goli u kaaɔk paak. 32 Kaaɔk ni tant kpei u paak, bin nba kul tenn bia saa tɔkn sonu nba k u tɔkn e, nan niib boncian nba wei sonu manŋ na. 34 K bee k i maant n pal yann i? lin nba bial ijii nu ni tie kpankpanni e.