1 K Elifas nba nyi Temann duo ni na jii a: 2 Yandaanɔ pak mɔbon yana na dannyulɔ na e? N ne ka k yiit u pal biil nan wonŋ fukt k nyii yendopo na-e ? 3 A sik n namɔŋe a ŋan piak a fat a mɔnŋii ? A mi nan mɔbonyana nba ka nyuat na ? 4 Li tie ka bo fit sɔa ka k bo saa tin yennu jaŋmaani, sɔa ka k bo saa mial yennu. 5 A biit na cianta mɔb ka kamɔbona naan nan todaanm na. 6 Li ji k ŋan nan minpak biila k maan a mɔbona na biilawa. 7 A dukii nan fine tie cin-cinn niilɔ nba k b mali-i ? yennu nba din nan jɔjaana na a din be-e ? 8 A din gbia lola nba ki yennu lolimi-i ? yanfuon tie a kukua-yalee ? 9 Sial kaa ki a mil ŋaan k ti ki mili. 10 Ti tumii yanfuon yupient buole, k b tie niib nba ki bi malib a baa liik. 11 Yennu tiena palmaasile, k bia tien k i a yetili? 12 A mantik donn wutuol ki goliit nan nin ŋmitik na. 13 A donn wutuol nan yennu-e ki piak biilɔ. 14 Nisaalik sii mantik tie papienn daanɔ waa ? Sua sii fit be fanu nan yennu wa-a ? 15 Yennu k tien yada u ni, li sua k sanpaak k yien u buol ni. 16 Banyaa-e k tie biiti nan tonu, nilɔ tie biit nan u nyu nyun na-e. 17 N piak ka gbiitl man, n saa yet maa lat linba. 18 Yandaanm nba wunn linba, linba k b pak na, din nyi baa nba buol-e. 19 A yinm ku kua yan duo na, l yuo na k saanm sua da k baal. 20 Tondaanɔ sii be fala ninŋ yuo kul u manfuol ni. 21 Jaŋmaansoluk fuut tan sii mɔ u tuba, ni k naayika tan saa lekɔ yuo nba ki u dukii nan u be u yamani na. 22 K u kimɔk dindann nan wun nyi bunbɔnn ni, kimaan jukbanjiak guue sial po k saa kpieu. 23 K juut guu a bin di u gbanant, u mi nan u manfuol be danŋ ni e, 24 Palbiil nan kpinkpinnji suolɔ jaŋmaami k u tu kal nan kpanbal nba tu bobin k saa tɔb na. 25 K man u din don nu k kɔn nan yennu yabin daanɔ yennu k piak k biilɔ. 26 K mɔk tub-kpaatuk, k dia u naagbankɔŋil k tuok a wun kɔn nan yennu. 27 Daanɔ man numpo piin kpan. 28 K kua doi nba k b iil, ŋai nba gbieŋ k tie saabaa tinŋ ni. 29 L daanɔ ji kaa mɔkint ni, u mɔkinm kan kpaati, u niib kan pɔt yabt tinŋ na ni. 30 K u kan fit nyi bunbonn ni, muue saa di u mɔkint, yennu saa ji u mɔb ni fuon wonŋna k kpiu. 31 Li sua k u mɔk dundu n biit ni, u bont u mɔŋe, k maan biite sii tie u paaɔk. 32 Li saa baal sua daa dakigbenn k a duo na ji kan ban k bunt tiini nan muuk. 33 U sii tie nan tiik nba luɔna tuu suul bonkaana-e,k bia sii tie nan kpannu tiik nba tuu suul li puuk biaŋinba na. 34 Biit daanɔ ŋaak tu kpant wɔlk-e, k muu di ŋmaabl daanɔ lanbonŋ-e. 35 U tu pil biit puole k tan mal biit, u di bunboninŋ-jiet-e.