¹ Nisaali daa ki yabi , ŋan kpie naan daami . TI Kpaatile , k suul yiaan-yian nan tipuuk na . ² Ti buol e nan yunyunŋ nba buol bianŋnba na . ³ Yennu sa sennin kuo ki gotin ki bu u buuta a? ⁴ Linba k n piak na , bonŋansial ki fit nyi lini . ⁵ yennu daan senn nisaalik manfuol , k janŋ u ŋmaali kann nba tie e , k u kan fit yakil . ⁶ Li tie ka saa fit , ŋaant k wuu be binbenpaalil ni ? lekin a nunm ŋaan nyikɔ . ⁷ Bii cua tiik , ŋaan dindann be u paak u tuu jen u maanfuol nie , ki kpaatil . ⁸ U jiina i leki kpet bianŋnba, k u nyakil na ki kpo tiŋ ni , ⁹ wuu laat nyn , u tan saa tuke nan tipaanŋ na. ¹⁰ ŋaan nissalik tuu kpoe , k u juontoo kul e na , k wuu kpo , u ji be lee, ¹¹ Kpenni nba jit k k puub bianŋnba , k mɔka fuaat na . ¹² N nae mun ki niib kpenn , ki ji ki fi , b kan mii k fil dulinyia na ni ; b kan mii yelik bi guan ni . ¹³ Ho, n sunman ki a bo bekilin kpientinŋ a , k ŋaan mii biek leŋ ki tuu yuo nba ki a wutuol saa maak , ki a ji senn yuo nba ka saa tial n'po . ¹⁴ Nilɔ i kpo u saa fit jen u manfuol ni waa ? ŋaan min saa guul k la yuo nba ŋane , k guul nan daamii yuo nba tan saa gbenn . ¹⁵ K a ji kii yiinin man toon , ki a sii mɔk palpienn nanin , min nba tie a namii na . ¹⁶ K a sii nyuann n sonmil nba kul ki sonm , ŋaan a kan tuonbiiti : ¹⁷ ki a nyik cabin k tamm n biit po . k saa piin biit nba kul kin tun . ¹⁸ Yuo nba k jɔjaanna tan saa bet baa , k tampiit n cat . ¹⁹ Nyuun saa lukil tana , k sajakpela saa baa k pial tinŋ : nnae k a biil nisaalik dindann u manfuol po . ²⁰ K a tuu nyannɔ , k te k u ji bibe , k u nunm tuu gbitk kuun ni . ²¹ K u waat tuu tan la baakil , ŋaan k u ki mii , kuo u waat nan n di fei , k b ki kumiɔ . ²² U tuu kpann bant u mɔŋ gbanantont nan u ninba dudukit na kukua e .