¹ Gotl, n ninbinn l kul a, k n tubl gbataa ŋaan daa ŋmin. ² Yaaban linba, n mun ban l bonn, n k tie bik ka ii buol. ³ Ŋaan n luon k n pak na n yennu nba tie panŋ daanɔ e , n luon k yennu e n kɔn n paak. ⁴ K maan, iimalin kpan tie Faok kuukua e, ii tie dɔktaa-nba nba kan fit tien siale. ⁵ Mii bonŋi ki ŋmin nan nii ni? I i bo sa la nin Fanme. ⁶ N blanmiie, cenŋin man n jiinu, k bia tien soo ki gbia n mob nba jient linba. ⁷ I i duki nan ii saa Fit k faal faɔk k yet a ii taa yennu powaa? ⁸ I i saa fit k jii mɔnŋ k janŋ nannɔ a? I i saa fit k maat yennu yiaal ninŋaa? ⁹ Wui gotii ii benbenŋ Fanu u saa la i ŋant nan waamin na a? I i duki nan ii saa fiit k bɔnt yennu nan yaabɔnt niib bannu nba nae? ¹⁰ U tan saa bu k biili nnnae, lii tie kii lek bɔlii k biil u sann. ¹¹ U yudant na k te k jaŋmanii n suoli nii? k u wutuol na kan baa ii paakii? ¹² I i makpanja na tie nan tanpent nae, k ii moniɔk na tie nan baɔkni bakl na. ¹³ Ŋminin man, ŋaan nyikin, k man pak n maanm! Linba sa baalin k linbaalin. ¹⁴ Bei sa te k n dian gbanant k sakint nyannaa sinsuuk ni? n taan luon k njii n manfuol k bil paanu ninŋe. ¹⁵ Gotl man, b saa fit k kpin, k n k malii sial l puolpo; ŋaan u buol ŋannin n saa bann n taasomaa waa. ¹⁶ Ŋann mɔnŋii sa t e k n tan la manfuol, k maan nibiuk kan fit nakin wua yennu buol. ¹⁷ I i luot ii tubaa ma, k cenŋ n maan man, k caan tubaa k gbat maa saa pak linba. ¹⁸ Mɔtaa na n ji yaa min pak n mɔnŋ paake, n ban nan n mɔk mɔnnii. ¹⁹ Sua saa fit kikɔn nannin maa? ŋaann n ji sa ŋminne, ŋaan k j kii luon minkpo. ²⁰ N luon k a cabin bonna ŋanle kuukuae k min daa bɔlin num k fɔktl nanna: ²¹ Nyint a nuu n ninŋ; k a wutuol nan daa ŋmatin binbenŋ. ²² K fii yiinin, min jiien, nnaeii ka mii piak fin jiennin! ²³ N tuonbiit nan n biit jaminlee? wantin n tuon kpetaa, nan n biit. ²⁴ Bee te k a bɔl a nunŋ nannin, k jien tien a dataaki? ²⁵ A luon fin biil tintuok nba k wonŋ diaa k lanŋee? A luon k fii waa mɔkuont ninŋee? ²⁶ Bee paake kaa te k n di falaa na, a daal n tubil n biit nba k n din tun n bitin ninŋ na paakee? ²⁷ Bee tien k a jiin taa k kuan jalit ninŋ, k waa golii n binbenŋ nan n taa som maa, ²⁸ Yoonba k gbannant jinaan nan kpaleat nba k tintanii kua na?