¹ N bak nan n manfuol benuwa. gbiitil n pal biil maan na. ² Yennu, a daa biilin. wantin n kpiatu nba tie linba. ³ A saa tuo biil n tiɔnŋ nba nan linba wa, tondanm maan paak k fiit ŋanmii? ⁴ A laat bona nan nifossalik naae? ⁵ A daa tie nan nifosaalik daa na e, a binnaa nan nisaalik binna janmee, ⁶ k te kaa kpaan n biit, a tonuu, ⁷ ŋaan mi nan n k tie biit danua, k sua kan fit fatin a nunii? ⁸ A niie namin, k takin, k bia tienin ma tie linba kul k a bia saa bilin! ⁹ Daa tamii nan a daan namin nan ba bu tant k maa bonna'e; a bia si luon ka nannin nan tan yon naa? ¹⁰ A daan k muanin ka nan nabii naa? k te k n gɔl nan lilat naa? ¹¹ A daan namin gbanant'e, k tulin kpaba na jiina. ¹² A tienin suklu kin mɔk manfuol, k waa bakin paak nan gulu. ¹³ N mi faa daan lolin linba a palninŋ k bɔlii. ¹⁴ Mii biil, a tu keliime, a k din biit suklu. ¹⁵ Yubɔnn be n paak, mii tie biit danua! mii kii mɔk bisiat ŋaan k mɔk yugontil, fei nan ninbatil kuae yaan kpin. ¹⁶ Mii bikin maan nyinnil,a tu pikininme nan yanbɔl na k ta patin nan yalituk. ¹⁷ A mɔk gasiat danm k b piak bilin sann, k a wutuol do n paak k pukii, a lolin lolpaana nba sa lekin. ¹⁸ Yennu, be paake k a te k n naa malinmi? n din bo sa fit kpo k ninbin sial k lan. ¹⁹ Mii din nyii pool ni k saan kaaɔk ni yianma, l din sii sua k cie ma bena. ²⁰ N manfuol k pel gbennu u? nyikinmin. ŋaant k n di manu, n manfuol nba bial na ni. ²¹ Nan man tan fit siet, k tan mi k je , k sa b kuu bunbonn na ni. ²² Duonba k bunbɔnn yab, k kuu yunyunŋ nan ŋmatl be , nan sianba k yinyieoŋ naan bunbɔnn.