¹ Job gal maan k jiin yet a: ² N mi nan lin nba na tie balmɔnnie, nisaalik saa tie nlee k fit bann nan u tie niŋannɔ yennu buolii? ³ Nlee k nilɔ saa fit nai nannɔ mɔniɔku? U saa fit boibuboiit tusil, k sua kan fit jim nan yenn kua waa. ⁴ yua kunkuae yen yanfuonm nan apny kul: k ŋmee sa fit nyi u tubŋmaanu nii? ⁵ U cat juat ŋaan k k tielbi, u wutuol nie ku tu biilib. ⁶ U tu ŋak tinŋ k i jekl nan li fiaka, k lin nba dia tiny k l mɔk pany na tu but but. ⁷ U saa fit gual yonnu u kan do, k bia sa fit gual ŋmaabila k b kan nyi k yentii, u bia sa fitt ŋmaabila b k be. ⁸ ŋua kuae t k sanpagbant tantl, k u bia sonm mɔk nyun sinsuuk paapo. ⁹ ŋuae naan ŋmaajal, nan ; ŋmana, nan ŋmalole, nan ŋmabila nba be niiditu pona. ¹⁰ U tuun tuonjana nba yab k sua kan fit bann I paaki, u baknauy tuonna ka tanni. ¹¹ Gotl, u gal n buol, ŋaan n k laatɔ, u saa, ŋaan n k gbia damili. ¹² U jikit waa luon linba, ŋme sa fit kon nanno? ŋme sa fit yetɔ a: a tuun bee? ¹³ Yennu k mant u wutuol li tie k l duo; u buol ni japaat tuu bote. ¹⁴ K mini, n sa jiinɔ nlee? N sa gann mɔbolannae? ¹⁵ Yuo nba k utienin niŋanɔ, n kan jiin siali, n sii mei n balbulɔe man u bu k tulin. ¹⁶ Lii tie k n boi u po, ŋaan u kan gbiint n mialu, n kan fit tien yada nan u gbat n kunkoli. ¹⁷ U tuun wonpaaluk, k l fibitin, k tienni dany, ŋaan i k mɔk pak na waama. ¹⁸ U kan nyikin man foi, ŋaan gbuon n binbeny nan tont. ¹⁹ U tie yennu nba mok panye, a saa fit mabnɔ waa? ŋme sa fit saan nanɔ but buoli? yua niŋannɔ na? ²⁰ N k bil siali, n mɔbona nba nyi n mɔb nie saa bilin, n tie nipienmɔe, ŋann li nba kul k n pak nae bilin. ²¹ N tie nipienmɔe, n baka ka lin nba tunin na po, ŋann n k daan n manfuol po, n bilis nbenuue. ²² Ta biil kuo ta ki biil, n sa pak be? U sa buont nipienm nan nibiit kula. ²³ Lii tie k mabl bal nipienmɔ k u kpil kpo, ŋaan u tuu laae bikna nba balɔ na paak. ²⁴ Tiny na jii tul tuonbiit danm niinin, u dɔnkin balbuula nunm po. Li kii tie ŋuaii ka, ŋme saa fit ii? ²⁵ N daa na baate yian yian nan nantatinnɔ na, k saa k k lat bonŋann ni. ²⁶ L tiine nan bulgbetl tiin nyu paak yian yian na, nan bakl nba tuu lann a wun suol bonkobuk k di na. ²⁷ ŋaan mi yet a: n tuo k saa tanm n wahala po waa, k nyi n ninbaatl ni, ŋaan ji la gbankuul. ²⁸ L baktiime nan n wahala na kul. N mi nan a kan jiin k mii tie nipiennɔ. ²⁹ B bu k biilin ma; bia paake n sii bakt yannii? ³⁰ Mii lek ki wul nan sakaane, k lek nit n nii nan cieb. ³¹ A lek siknin buotuuk nba mɔk jaakint ni, k n tiat na saa tulin fei. ³² Nilo k b tie nan min na, k n safit jiinɔ, k min nan ŋua libiin tuak saan but buol. ³³ Sua kaa k saa siet ti sinsuuknni k tie kɔnpaalua, k ji u nii k paan t banle paaki. ³⁴ Nyintin wahala nba be n paak na ni, k wahala many ji daa ŋmay in binbenŋi jik. ³⁵ L paak, n yaa man paake, jaŋmaani si ka, kuo, n k yen n mɔnŋi