¹ Naama Tsophar gaal maan k yaa a: ² Maan nba kaa mat jan b k jiina na, a maali a saa mat maacia nnek laa mɔni? ³ A fɔk nae sa t niib n ŋmini? kaa laa a mɔŋi. ⁴ A yaa fin ban l kul, k ŋan u nuyi. ⁵ Oo, liisua yennu bo saa pak, k bo yaat u mob k jiina, ⁶ kuu bo wanna linba b u yan niŋ, u yan ciɔŋ na, a bo saa ban na u k buu a bit buut kaa. ⁷ A saa fit k bann yennu malimii, k bann panŋ danɔ na banmii? ⁸ U fɔk k gaal sanpaak: a saa fit k tien be? K l sumii k gaal kpie tiŋi: a saa fit k bann nii? ⁹ L fɔk k cie tiŋ, k ŋaali k cie mɔkl. ¹⁰ Liisua kuu gaal, k suol, k buu bat, ŋme saa yeti? ¹¹ K l maa u ban bit dam, k laat nikpila na. ¹² Ŋan nufuosalik ŋanne u subini tie nan waatɔ yaal nae, u maal k tie nan boŋbik nae. ¹³ Ŋan fin jii a paal k tul yennu, k tant a nii k tulɔ, ¹⁴ Fɔktil nan bit, k daa t bit b a ŋaakin. ¹⁵ A yul sii guo ne k kaa jɔkit, a sii ba nan niye k jaaŋmani kaa. ¹⁶ A saa tam a Faala po, a tan saa tiat kl tie na nyuu nba tuu puubl gaal nne. ¹⁷ A daa sii yien nan yensukin nae, bunbɔn sii tie nan sannyiɔkin na a buol. ¹⁸ A sii mɔk dudul boncian, lin maa kaa luo a saa laa, a saa la kaa b ŋant niŋ yuo kul. ¹⁹ A dual sia kan tiena a guanniŋ, k niib ii laa b sii bɔliye. ²⁰ Ŋan bit dam nuubina saa juane; b kan laa bunbɔl buol, kuume tie b yaal.