¹ Kaagbennuk pak a:gotl n fiien wonbiuuk baabiilonn nan saalde niib paak. ² Dabiuk daal na, n tuon wu nba saa lenn duo na, k buotɔ, k wun bot. ³ B saa yek piinuu wunba tant upiinu nan wunba kul pal man u nagbenkonŋ l paak na k kpib!B saa kpi b sojem kul! nan b naasim kul sua kan paak! ⁴ Bin baa k jam k kpo saalde duo ni, k bin cɔk lontib baabiilonn sanjalaa paak! ⁵ K maan kaagbennuk yennu k nyik Islae nan sudaa, ŋaan k saalde duo na gbie nan nikpinuu k biil Islae ŋanɔ. ⁶ Ii tin nyi baabiilonn, k tinn ii manfuol, k tan daakpenn duo manŋ biilu ni! k maan l tie yuo nba k kaagbennuk yaa wun jii u tunaa k pa u panaa. ⁷ Baabiilonn din tie nan likmɔnaa daŋmanŋ nae kaagbennuk nuu ni, k gbuont tingbɔŋ kul daam, nibuolu kul nyuu u daam manŋ a: l paak te k niib bo tie nan yuukpiinaa na. ⁸ Baabiilonn baae k but-but! Ii gbiantl u paak man, ii jii kpan k maan u nalaa na, l k kua u saa la laafiaa. ⁹ T bo luon k tin teb baabiilonn, ŋaan u k la laafiaa. Nyɔlinmoa man, k sua kul i kun u duo ni; k maan u tubidatuu baal saapaapo, k dootuut sapagbent. ¹⁰ kaagbennuk kon t paak k wann balmɔnii a, ii baat man k tin saan pak k wann kaagbennuk, t yennu tuonaa siion. ¹¹ Ii ŋat ii piinii, k bobin ii naagbankɔŋaa! k maan kaagbennuk yaa wun kon k jiien u pann, k fiien medii kpanbalaa wutuol a wun jieb k biiel l baabii-lonn! ¹² Ii kpaan yaa saa tien bianŋ nba k ii sa tut baabiilonn guonaa k lu! k duan juamuu, k ŋam guol tanmoii fannu, k maan kaagbennuk suol u suoluu e, k u bia to k saa tun linba k u pak k wan nan u saa kon biil baabiilonn na. ¹³ Fin nba kua k kpiaa nan nyun ciɔŋ k bia mɔk faal bonciann na, a juontu baala, a funfunn na gbenn! ¹⁴ Kaagbennuk yennu mɔŋ i pol k yet a: ¹⁵ U jii upanŋe k nan tinŋ, k jii yan k senn tingbonŋ, k jii ninfam k jonn sapagbɔnŋ. ¹⁶ U kunkɔl i pak yoo nba, nyun tu fue sanpaapo, u tu te k sapagbant do tinŋ kul po, k te k saak baa, k sanyinkintii nyikintl, k te k wonŋ dak saa. ¹⁷ Niib kul bam paak te k b jik mɔk yam, k tikpieluonkul tien fei u bonninɔŋ nbak u kpiel na po; k maan pataa manŋ kul tie faɔk bonnae, b k mɔk foiien. ¹⁸ L kul tie yanne, k tie faɔk tuonnaa; mabl ii baal yoo nba l kul saa biile. ¹⁹ Wun nba nyiie saakɔb ŋaak na k tie nan wua na, k maan wua i nan bonn kul, k Islael tie u faal ŋaak.u sann i tie kaagbennuk yennu. ²⁰ A bo tie kut jaale, k tie n jakɔn tiiok. N bo jii Fin na K mut buolik, K jiia K biil digban gbenŋaa. ²¹ A ninŋe K n mut taam nan u jakiɔ, aninŋe k n mut taant duk nan wun nba jaak l paak. ²² A ninŋ e k n mut ju aa nan puo, nan nikpel nan bik, nan naasimɔ nan sipaamɔ. ²³ Aninŋe k n mut bonkob kpaalik nan u bonkobt, kmut naakpakolua nan u naajaa; kmut duodiaalaa nan batinba . ²⁴ N saa jiien baabiilonn nan binba kul kua saalde na biit n ba kul k u tun k biil siion ii ninbinaa ninŋ, min kaagbennuk i pak nnaa. ²⁵ Got, n nan fin tuonbiit jual na, kaagbennuk i pak nna, k t ul fin nba, kaagbennuk i pak nna, k t ul fin nba tu biil tingbonŋ kul na! N saa tant u nuu a paak, kblintaa tanfiaat yul paak, k bia tienna jual nba dii muu k buot. ²⁶ K b kan fit nyin lɔtikni tann nan fiakl tannaa b kanla; k man a sii yaa e yao kul, min kaagbennuk i pak... ²⁷ Ii duan juamu duo ni! k peb naatunn digbanaa nuub buol! K bobin konn nanɔ, Ii yiiŋalaala duo niib, nan Miini, nan Askenoa duo niib k bin kon nannɔ! Ii dinn bat nba k bin kon nannɔ! k te k taanii ii saa liik nan naasuot nba tu gaal cenn bianŋ nba na! ²⁸ Ii bobin digbannaa, nan Medii kpanbalaa k bin kon naanɔ, nan duo diaala nan b bat nba, nan duo kul n mabim k bii tie ba daaba! ²⁹ Tinŋ nik, k jekil; k maan kaagbennuk sennu nba k u senn a wun kon nan baaiilonn na baal gbiinu a ; u yaa wun tien baabiilonn palaaɔŋ nb k sua kan kua leŋ. ³⁰ Baabiilonn tɔbfaalan nyik konna, b panŋ gbenn, k b tie nan puob na, k kua bɔl-bɔl. k b juo b ŋeii muu, k konn kutaa nba tu kok k guu duona. ³¹ K gbant nan tumii nba ji saa want baabiilonn kpanbal nan b lek u duo l kulaa pa wa, ³² K dataii yent gingal buol kul, k muu di mɔkaa punpuot buol, k jamanii guol tɔbfaala. ³³ K maan kaagbannuk yennu, Iislael yennu i pak a.Baabiilonn sipaanɔ na tie nan yayoo ni jalik nba k b ŋma fit. Fit nae, k l bia kaa waam k b bia saa jaan jiet k baal buol leŋ. ³⁴ Baabiilonn kpanbal, nebukane saal suolin k pat-patin k nak; k tiennin nan sɔkuonn na; u nakin nan bonkob-biuk nba tu suol bonn k nak nae, k piknin nyinin, ŋaan jii n bonnaa nba k n tu mɔk k gbien u puol. ³⁵ Ninmonn nba baalin nan n gbanant nba pat-pat na n tunn baa baabiilonn paak! siion duo kualɔ nae pak n na. k selusalem mun paka : n sɔnn tunn baa binba kua salde duo ni na paak. ³⁶ L paake k kaagbennuk pak a: n saa gaal a paak, k kon k t u laa, n saa te k baabiilonn mɔkl n kuol k bia te k u sinsiuk ni nyun na n fual. ³⁷ Baabiilonn saa dual fɔkuonn, k kpant muboii dindi buol, k baa nan nua waa kan kua leŋ, k l yial sii dua k tie linlaate. ³⁸ B mɔ nan yanblaa nae, k yikin nan yanbɔl bit na. ³⁹ B gbanuu i tonŋ yoo nba, n saa te bin nyu k gboo, k b palaa n manŋ k bin dual k guan k ji kan ban k nyuant. ⁴⁰ N saa te k bii siik nan peii nba k b saa nam a bin kɔt b nae, ki tie nan pijaa, nan wojaa na. ⁴¹ Bee ji tiennii! k b nyann sesaak nba k u yudant tu gbie tinŋ kul po na, k ji saa nanŋ! Bee ji tiennii! K baabiilonn paak a: mɔkl nyun panaa pien baabiilonn a. ⁴² Mɔkl doo baabiilonn paak a: mɔkl nyun pannaa pien baabiilonn a. ⁴³ U duoii na yaan, k tinŋ dual paanu k mɔk yaalutuk, u ji tie duo nba k sua k kua leŋ, k sua mɔŋ k gaal leŋ. ⁴⁴ N saa biil baabiinonn tingbann bel na, n saa nyinn u mob ni linba kul k u nak, k niib ji kii baat u buol. baabiilonn guonjal na monŋ baa waa! ⁴⁵ N buolu, nyin man leŋ, k nyi kaagbennuk wutuol na ni, k fit tinn ii manfuol! ⁴⁶ Ii daa tien jaŋmaanii, k bia daa te k ii yan put, k maan panŋ daanɔ nan panŋ daanɔ saa tuok lieb k kɔn nan lieb k l fuot saa fu dinn na, nan binn nba waa na. ⁴⁷ Gotl, l paak te k daal baat, k n saa biil baabiilonn tingbanaa, k u duo manŋ saa di feii, kuon sii dua dua u num ninŋ. ⁴⁸ Kaagbennuk yet a: tinŋ nan saapaak nan linba kul be leŋ saa yikin palmann wuyiknii baabiilonn paak, k maan biitieb saa nyi ganŋ pak baal lekua k tiennɔ yann. ⁴⁹ K kuon mun saa kpo kpo, nan Iislael duo ni, waa bo kpiib bannu nba na mun. ⁵⁰ Yim nba nyii bonbiil manŋ ni, ii tin man k fokt bann, ii daa jelin! Yim nba be banfɔkaa na, ii tiaan kaagbennuk po! k bia jii selusaalem k bil ii palaa ni. ⁵¹ Tim nba k t yan bo ŋmat, yoo nba k t bo gbia t sukt, k feii kpiet, yoo nba k saam bo baal k kua kaagbennuk malunŋ ŋaak ni na. ⁵² Gotl man, l paak te k min kaagbennuk pak nan daal baat, k n saa biil b tingbanaa na; k binba jam duo manŋ ni sii mɔ kfabin. ⁵³ Baabiilonn i lek kii doo k be sanpaapo waa, k tan maa u ŋacienaa lenŋ, min kaagbennuk pak nan n saa tun biiltieb k bin do k kɔn nanɔ. ⁵⁴ wuyiknii yikin baabiilonn, k bonbiil yabt saalde duo ni. ⁵⁵ K maan kaagbennuk biil baabiilonn yom, k te tuonbiilaa fuut na fu nan mɔkil nyunpanaa na, k te k wuyikinnii nba tu do na ji gbenn, ŋaan k b ji gbiaa kl ji jim kukoa. ⁵⁶ Nn, biiltieb baal nann baabiilonn na, baabiilonn tɔbifaalaa talibanaa konnaa, k b sudib saan nam, k maan kaagbennuk jiet sua kul tuanaa e k pa u pauk, ⁵⁷ N saa gboon u bontieb, nan yan dam, nan u duodiaala, nan tɔb faalaa, nan ubatnba na kul daan, k bin dual guan k ji kan ban fiel, min kpanbal nba k u sann tie kaagbennuk nae pak. ⁵⁸ Kaagbennuk yennu pak a: baabiilonn guon gbenŋaa na saa baa-baa, k muu saa di u tanmofokt nakul, k lin te k u niib na tuonn n tien yann. Niib saa bak nan muu dinuu. ⁵⁹ Yennu sɔknii selemii nba tul maasejaa bija,nelijaa bija selaaja maam nba, yoo nba k u bo saa baabiilonn, wua nan sudaa kpanbal sedekias, waa bo dii naan l binaa ŋanna ninŋ, k selaja bo tie kpanbal diuok ni cincinn tuntunnɔna. ⁶⁰ Selemii bo diaan kadaok ni yubonn nba kul saa baal baabiilonn paak. ⁶¹ Selemii pak seleja a: yoo nba ka baal baabiilonn, a ŋam k lie maan na fanu, ⁶² A bia yet a: kaagbennuk, fin ni pak a yial na tie lin biile, k niib nan bonkobt kul, sial kan koa lenŋ, ŋaan lii tie fuann nba yaa yookul. ⁶³ A bia ki lie kadaok manŋ k gbenn yoo nba,a jiel k lol k tabin nantann k lu yuflat mɔkl ni, ⁶⁴ k bia yet a: baabiilonn saa mie k kan nyi yubonn nba k n saa baal nann u paak, b panŋ saa gbenn k bin baa-baa. Selemii momaan manŋ tan baal set n na nae.