¹ Seedeekias din mɔk bina piinle nan bin yenn l yuo kuu di naan k tien kpanbal,k u dia selusaalenm bina pik nan yenn. U naa saan din yi Hamuuthial,seleemi bipuo,k u nyi libna. ² U tun lin nba k ŋan kaagbennu nunni, nan suosakinm nba lin tun na. ³ Lin nba na tun k maan kaagbennu wuu tuol do seelusaalenm nan suuda pak,l pak k u yet'b u nuun ni. ŋannii tien seedeekias fiin punpon nan baabiilonn kpanbal. ⁴ Seedeekias naan bina ŋanyia ninŋ,ŋmaali pik da pik dal, Baabiilonn kpanbal, nebuukadnetsal,baal nan u kunkonkɔnna kul na bin kɔn nan selusaalenm,k b dual lint selusaalenm,a bin bil duo na kul. ⁵ Duo na biiluu saajanŋkpanbal seedeekias naan bina pik nan yenn juontu ⁶ ŋmaali ŋanna daa ŋannyia dal,kuon baa selusaalenm duo ni bonbit,k jesiat j kaaduo na ni k niib saa di. ⁷ ŋanni tien,kunkɔnna na ji fa yak yak duo na juonjal na k j tiin, nyiɔk k nyi duo na ni k tiin tuaki sonu nba gaal kpanbal na gungun juonjaala ŋanlee na buol yuo nba k saaldeennba kua lint'l duo na. K b tiin tɔnki panpieuŋ sonu na. ⁸ ŋaan saaldeennba kunkonkonna wa diin kpanbal,k sa baal seedeesias seeliiko panpieuŋni; k u kunkonkonna yat fok't nan'ɔ. ⁹ K suol kpanbal,k ji'u do nann'ɔ baabiilonn kpanbal buol liibla, Haammathnba duo ni,k j bu u buut. ¹⁰ Baaliilonn kpanbal kɔt seedeesias waas u nunm ni, k bia kɔt suuda batnba kul liibla. ¹¹ ŋaan j kpakl seedeesias ninbina, k lool'ɔ kut jalt,baabilonn, k saa kuan'ɔ dansaalk kaa nan u kuun dal. ¹² ŋmaali ŋanŋmu da pik dal ;ŋann ni tie Baabiilonn kpanbal Neelbukadneelsal naan bina pik nan ŋannyia ni,Babiilonn kpanbal tuontunn'ɔ,guutieb yudannɔ Neebusaladan bal selusaalenm . ¹³ K juo kaagbennu ŋaak,kpanbal ŋaak, nan selusaalenm ŋei kul; k bia juo nijiaana ŋei. ¹⁴ Saaldeennba kunkonkonna kul, bin nba be nan guutieb yudaanɔ, bit bit juonjaana nba lint selusaalenm na . ¹⁵ Guutieb yudaanɔ, Neebulsaladan ,jii nii b nba ŋanm tie taali na duo na ni k saan nanm dabs, niib nba bo kua digbangbeŋl ni,nan bin nba Baabiilonn kpanbal bo diab,nan nibul nba tenn. ¹⁶ ŋaan, guutieb yudaanɔNeebusaladan; nyik bin nba kuo tilonti nba k b yi finyia na nan kpankuolsial nba ŋanm tie talas danm duo na ni. ¹⁷ Saaldeennba bil kut seni tintuanbua nba be kaagbennu ŋaak ni,nan telt nan kut kutsuongbeŋa nba be kaagbennu ŋaak ni,k b ji kut saan nann Baliilonn. ¹⁸ k b bia jii sedeelii,nan suaflaa,nan jukbis,nan kɔbnba,nan kutsuonbis nba k dia miit sɔn, nan kuontuntiat nba kul k b dia mann malunŋ. ¹⁹ Guutieb yudaanɔ bia jii kutsuontetlia ,nan bani, nan,nan kɔbnba, nan tanpentiebua, nan seedeelii, kutsuonbis nan kɔbnba maanntua dia tie fin,nan lin nba kul tie kutmonna nan liklii. ²⁰ Kut laagbeeŋaa ŋanle, kut suongbeŋa,nan kut najai pik nan ŋanle nba tien fant, k kpanbal saaloomon din tien kaagbennuŋaakni,nan kut bonaz kul kpiaatu kan fit wann. ²¹ Kut laakgbeeŋa yenn kua doki'u fonkt tie miata ŋannyia,k lintu tie miata ŋanlobe, k tie bonkɔt-luɔnŋ k u doki'u mɔk nibla ŋanna. ²² L paapo tua kut juonn,kl juonn kua duoki'u fuonkt tie miata ŋanle nan bojiin, l juonn yul paak mɔk kutmɔnt bonpaatik,k l fuaknt tie taabaana ŋanlole nan bonjinn, k b luu bonluluut k fanŋil nan kutmɔnt luona li kul po, k bonluluut na bia tie kutmɔnt. ²³ Kutmɔnt liona pimyia nan ŋanlob din be li loka ni, k kobik muun be l yul paak. ²⁴ Guutieb yudaanɔ jii sslaaja,manntieb yuudaanɔ ,suofoni, manntua banle ni nan tanmɔguula banta. ²⁵ Duo na ni k b jii jatuakl nba din mɔk yiikuo k mɔk tabfaala,jab banlole nba din puukin kpanbal ŋaakpaatieb ni k b kul taan be duo na ni, nan kunkonkonna saakua gbendian nba k u tuonn din tie u gani niib duo na ni, nan jab piinlob duo na ni k b kul din be duo na ni. ²⁶ Guutieb yudaanɔ neelusaladan,ji'ib, k saan nann baabiillonn kpanbal buol liibla. ²⁷ Baabiilonn kpanbal buo'b k b bia kpii'b liibla,haamaathnba duo ni. K bia jii suuda tieb k saan nanm daab's nba fuok nan b duo. ²⁸ Gotl niib nba k neebukaadneetsal, ji'ib k saan nanm daab's: bina ŋanlole ninŋ,suifinba tuta ŋanta nan piinle nan banta . ²⁹ Neebukaadneetsal bina pik nan ŋannin ni, k b ji selusaalenm tieb kobiinin nan piinta nan niib banle; ³⁰ Neebukaadneetsal bina piinle nan ŋanta ninŋ, guutieb yudaanɔ neebusaaladan jii suifnba ko bii ŋanlole nan piinan nan banŋmuu,k b kul taan tuusaa ŋanna nan koobii banlob. ³¹ Suuda kpanbal, suosakin daab's bina piinta nan ŋanlole ninŋ,ŋmaali pik nan ŋanle dapiinlee nan ŋanŋmu, baabiilonn kpanbal, Efiil-Meelodak,naan binyen ni, tin suuda kpanbal suosakin ninbauŋ, k gont u yul k nyin'ɔ dansaalk ni. ³² K pak nann'ɔ nan luonm, k donn u kok k l gont gal kpanbal lia nba be nann'ɔ baabiilonn na. ³³ K leebtua dansaal tiat, k suosakin di nnan'ɔ yuo kul u teebul pak k saa tuu u manfuol kul ni. ³⁴ Baabiilonn kpanbal wann u luonmdal kul ni k sa tuu u kuun,u manfuol kul ni.