1 Islael, a daa mantik biat palpienn nan kpinkpaamuk ni, nan digban lia nba di b janm nba bianŋinba na. K maan i nyik kaagbennu waa ŋaan bial boncuncontuonna ni. K luon jakint jiet nba saa fit biil l kula po na. 2 L kan wei jiet nba k bo jali ni nan kpan nba k ŋmaaki gbeet ni k tieni yal k damun nba k b yi fin nba k a guu na l nuubliu kan mi gal n mial po. 3 Sua kan bial kaagbennu duo na ni; Eflaim saa ŋmat Ejipt tinŋ ni, k saa di jakint jiet Assilii tinŋ ni. 4 B ji kan maan tiluanana danm nba k b ji fin na malunŋ k tul kaagbennu, u kan mi gal l malunŋ. K lin manŋua. L mal'lint jiet sii tie nan ninbatil jiet nae. Binba kul saa di jiet na li saa kuaam jakint. K maan l jet sii tie i tiaɔnŋ yale, l kan mi kua kaagbennu ŋaak ni. 5 K ii ji saa tien nlee janm daa ni , daa nba ki di janm ki bakint kaagbennu? 6 L tie k bilu bali k yati; Ejipt tieb saa gali, Moof tul'b kaakulaa, linba k b mɔk k l tie b mɔkint, nan bi liklii, bonŋmiŋmabte saa ŋman, k kunkonii sapiak b ŋei ni. 7 Tubdatu da baate, lii baal yuo nba, suo kul saa u tuonna nyuat: Islael sa banm k yet'a sɔkni na tie waatua e, nilɔ na mɔk banm u ni. K maan u tuonbiit nan mɔyetuk yabta. 8 Eflaim tie guutua e, k kɔn nan Yennu , k sɔkni tie wun nba luu nuaasuotl nae u sonni kul ni, k bia tie dataak Yennu ŋaak ni. 9 B kul baa biit tuumuu nie nan Guiibeya tieb nba din tuun na, l paak kaagbennu saa tiel b tuonbiit po k ŋmann b tuba. 10 N la Islael b naan nan luanna nba be kunkuok paak nae. K bia la i baaba naan nan Figie luan sinsinnaie, ŋaan b kul na saan jiant tingbann Baal Peol, k b jii b yuo k bial pata mannu ni k ji biil gal bonnin naunŋ nba k i lonm be u ni na. 12 Eflaim yudant saa yukl nan nuaanŋ nie, maatutk sii ka, posuolu sii ka, posetu bia sii ka. 11 Ii lek mal waas, ŋaan n saa jiibe k yat nanm n kan nyiki nan yenɔkuawaa k b tien niib, mi nyiki yuo nba bonbilankante saa baal i paak. 13 N jin manunm k ŋmant got Tiil poe, ŋaan nyi Eflaim duo nba be sian nba ŋan na. ŋaan Eflaim saa ji u waas k saan nanm sian nba po k saa kpib. 14 A saa tulb bee, Oo kaagbennu? A saa tun lanne k tulibii? Tulinm puo wala k bi bia ki tie bikona . 15 B tuonbiit kula piin Guiilgale: Lenŋe k npiin k k luonmi, k maan tuonbiit nba k b tun na paak, n saa bel nyinnib n tinŋ na ni. N ji ki luonmi. B tuaandanm kul yetmaa k tie kangbaata. 16 Eflaiim la danŋa, u jina kul kula, u ji kan mi k lon luaana, bi leki mɔk waas, ŋaan n saa buont b waalonŋa manŋ kula. 17 N Yennu yet'ba , b yet bin gbintua wa. B saa kpant nilinlinnae digbanlia ni.