¹ Pebin naatunn na, k maan datai tut k siik kaagbennu ŋaak na paak nan konbagbenŋl na, N niib na biil mɔl nba kin lol namm na, k bia yet n sennii ne. ² B sii yikin n Yennu sian k sɔɔ a buol k yaa t ban a ŋamm timm Islael tieb . ³ Islael tieb yet k lu linba ŋana li paak k b datai saa wei beli'b. ⁴ B gann e b kpanbaala nan b sakaab k k yetin siali. B jii b salimpiena nan b salimmɔna k tie tingbana na, l yaa paak b biil b mɔnŋ. ⁵ Kaagbennu yie Samali naajabil na k l maan u wutuol duo b paak. Be yuoe k b tan saa nyiik tingbana mannu . ⁶ U nyii Islael, Saauk daanɔ e kul tingbann monŋ l k ban tie Yennu. Samali naajabik na b saa jial buli-buli. ⁷ K lii tie k b kul wonŋu b tan saa jaan sajapelinn; linba kb dia naan kpanu yɔn kli tie k l tien ŋaan buolganu saa dil . ⁸ Islael ji tie nan digbanlia nee k k mɔk nyuat nan bob jiok na. ⁹ B tie tub kangbata nan bonŋ nee k l maa b nyiik saan Asili tinŋ ni k kpan a bitie yuatl nan Elaim. ¹⁰ N ji yaa maa n lakin taamme mɔtana k dat b tuba k kuan faala ni k lpanbaala i diimm. ¹¹ Eflaim din maa malunŋ binbinta k pukin k binba tunn k kua biit ni. ¹² N sɔb sennii bonciann k tul n niib ŋaan b yetil, k jii k ltie nan bonsaane na ¹³ B mann malunŋ k tienin ŋaan bja ŋman l nant, kaagbennu pal k man l paak ku tiat b tuonbiit po, k dat btuba, a bin ŋmat Ejibt. Islael tieb maa ŋaie ŋaan tamm b taktua po. ¹⁴ K Suda tieb pukin digbangbenŋa. ŋaan n saa sikin muu lin dii b digbangbenŋa nan ŋai mɔnŋ.