¹ Yuo nba ki ya man somm n niib Islael tieb na, u tu laat bi tonnu nan bi tuonbiit nae : Bi ŋmab lieb, ki kua niib ŋei ni ki jan, ki fial niib sɔnjotini. ² Bi ki duuki nan n tan saa tiat bi tuonbiit na kula. Monntana bi bit na lintiba, ki li kul be n nunpoe . ³ Bi kpann kpanbalaa nan bi saakab, nan bi tonnu nan bi lole biit na e. ⁴ Bi ki sie kpanbaala nan puol, bi tonnu na tie nan muu nba tu yekitl pan pul diok nee. ⁵ Ki kpanbala na jaam daal bi te ŋamm nan b saakab n yibe ki tuun jat_tuonna, ki tantil bi niib binba paak . ⁶ Mɔniie, bi pala dii mu nan lolibiite ki bi wotua do nyɔ munn ki li tan yentil ki li yinn mupiennu. ⁷ Bi wotoa nba duo na paak ki bi kpii bi kpanbalaa yennɔ_yennɔ ŋaan bi sua ki mialin ki boi sommil po. ⁸ Ki Yennu yeta, Islael tieb nan paanu nba bi pul kil ki biel bokil ne, Bi dindann be duoi nba kpiab na nie. ⁹ Ki bi ki mii nan bi bobina nba ki bi bob nnou digbanatia niib nawaant bi panŋi, bi buotu ki fɔki. ¹⁰ Islael tieb capaat na buoma, linba kul lek diim na, ŋaan bi ki ŋmat jen min bi yomdaanɔbuoli. ¹¹ Islael tieb lin yolib nan ŋman liiŋ nee. U niib kpan bi somil, Eyipt nan Asili tieb buole . ¹² Baa lek saa na, ŋaan n saa tant laauŋo ki suolib nan nuaniina, bi tuonbiit nba ki bi tun na paak n saa ŋmann bi tuba . ¹³ Ninbɔŋ saa baal bi paak ki buontib, baa nyikin na paak, n bo to luon man sommibe ŋaan ki bi fa fai ki tienin . ¹⁴ Bi ki mein nan bi yan kuli, ŋaan, baa tiŋ ni ki yikin nan binba ki tie n niib nba tuun biaŋinba na . Bii mialin jiet nan tiluana daan yuo nba bi tu ŋmabi mɔŋe nan tingban manntieb nba tu tie biaŋinba na . Bi tie mɔyetukidamme. ¹⁵ Min ni nba din wubilib, bi laa panŋ na, ŋann bi tan lol bonbiile n paak. ¹⁶ Ki ŋamii yein n weiu, ŋann jiantil tingbann nba ki mɔk yiikɔ sial na. Bi tie nan nan taliban kuann ne, a kanfit timmi jate saa kpii ni saakab. Ki Eyipt tieb saa laaba, ki man baa piak galuk maan na paak.