¹ Bat man, tin ŋmat Yennu buo, ki man u tient fiat ki bia saa tebita. U tient daŋ ŋaanu u saa wuul ti fiat na wa. ² Daa ŋanle_lee na niŋ u saa tul't manfuol, ki daa ŋantaa daal u saa fient ki ti fo u buol. ³ ŋaant ti tumii ki bann Yennu, laa tie monni nan Yennu do na, ki bia tie monni nan saak sa ba na, li set tie nne mun nan Yennu saa baal ti buol. ⁴ Ki Yennu yeta .Juda tieb nan Islael tieb n saa tieni nlee? I ŋamm nba ki mɔk na tie nan sanyiɔkini malin nba tu kpaal yiama ne. ⁵ Li paak kin saa te sɔkiniinba maan nee tie ii lanbann, ki n momaan maŋn kpii, ki n but na saa yet n paak nan muyiok na. ⁶ Ki man nlonŋ ŋante ki gal maluŋ, ki bia lon Yennu minu ki gal mujunu maluŋ. ⁷ ŋaan bi yet n mosonn na waa, ki ji ki waami. ⁸ Galaat duo gbie nan tondamm, ki bi kpi niib. ⁹ Ki l manntieb na tie nan fatieb ne ki kpi niib sikem sonnu paak ki man bi tie nikpilaa e. ¹⁰ Islael tieb buol n laa bonbilankant, ki leŋ Eflaim tieb comm ki Islael tieb Jɔkin bi mɔŋ. ¹¹ Fin Juda tieb, nimonn saa baal a paak yuo nba kin saa jen nan niib nba tie dansali na.