¹ Manntieb gbiintil na man ! Islael tieb, nan kpanbal ŋaatieb i ŋamm caan ii tuba ki gbiint fanu ki man i tie baluko Mitipa duo ni ki bia tie janlauŋ nba puane tabor paak. ² Bi maliut na te ki, tubikangbata damm ŋammit tie biit, ŋann n saa dat bi kul tuba wa. ³ Eflaim nan Islael kan fit bolin siali n mi bi mala po, ki man mɔnntana Eflaim a jii a mɔnŋ ki comme ki Islael jɔkinu mɔnŋ. ⁴ Bi tuonna kan te ki bi jen bi Yennu. ⁵ Islael tieb japaat na koan namme, bi tuon biit paake te ki bi baa, ki Juda tieb mun bia baa namm. ⁶ Bi jikt bi pei nan nei ki mann maluŋ, ŋaan bi kan lau, ki man u nyiI bi sinsukiniwa. ⁷ Bi ki sak Yennu, ki maal waat nba tuoki, mɔntana ŋma yeŋ kukua tenn na ŋamm nan bi faa kul n boint ⁸ Pepin u natunna, Guibea nan Lama doi ni man ki yikin bet Afan duo ni fin Banjamin puolpo. ⁹ Tube ŋmannu daal ne ki Eflaim duo sa buont, n want Islael tieb linba tie mɔnnie na. ¹⁰ Juda tuandamm tie nan bin nba nyali teli ne, n saa yat wutol bi paak nan nyun paalin ne. ¹¹ Ki Eflaim di falaa ki buot ki man u tun sennu nba man u poe. ¹² N saa baal na biilue Islael tieb paak, ki bia baal nan biilu Juda tieb paak. ¹³ Islael tieb nba tan bann nan bi be nibonŋ ni yuo nba e, k Juda tieb mun laa mɔŋ maaba na, ŋanne ki bi saan Asili kpanbaal buol ki saa mialɔ sommil po. ŋaan ki fit sommibi. ¹⁴ N saa bikin Islael tieb nan Juda tieb yanbol ne, mi ne saa pat_patib, ki sua kan fit n buol. ¹⁵ N saa san ne, ki jen n ŋaakini, nan yuo nba kib tan tuo nan bi biila, ki ji kpan n buol, yuo nba ki bi be nimonni bi saa kpan n somil.