¹ Islael tieb gbiintil maan nba ki Yennu yet na, u mɔk maan nba ki u yaa wun pak biil Islael tieb nba kua tinŋ na ni e, a sua ki be tiŋ na ni, ki waan fannu, kuo ki mɔk lommu, niib na bja mi min Yennu binbeŋ nba tie. ² Bi fafaie, ki kpi kunn, bi sent mɔsonna ŋaan biil, ki jaa, ki comm, ki tuun biit puki. ki bi kpi niib yuo kul. ³ Linba na saa te ki tiŋ n kuol, ki linba kuol be li paak n kpo, li bonkobit nan nuanni, nan janii nba be nyun ni kul saa kpo. ⁴ Ki Yennu yet a, i daa tesua piak biil niib na kuo ki yakii nammi. N e nyiiluk baat yimm manntieb paake. ⁵ Yennu nan nyioɔk kul i somm k jalime, i tuonna ni, ki sɔkiniinba nba na tie niibiit nan yimm na n yaa man bùl n naa nba tie Islael tieb digbanne ⁶ N niib na nba ki min na, li biilibe, ki maan yimm manntiebe na yet yi bannin, ki bia yet n wannu na dianuwa, li paak, n mun saa yeti, ki bia ki fiin i bonjai nan bonpoi po nan nan bi tie n manntiebi. ⁷ Ya ŋamii tun tumbit ki biilin na li paak, n saa lebit i baakil nae ki li tie fei bont. ⁸ N niib na tuonbiit paake tien ki i ŋammi mɔktil, ŋanne te ki i luon bi ŋammit tuon tuonbiit ki pukii. ⁹ Yimm nan niib maŋ saa gaal tub_ŋamnu yomme. N saa daat i tuba, ki te yin pa tuonbiit nba ki tun na paak. ¹⁰ I saa di maluŋ na tola, ŋan bia kangbo, i saa tun boncuncontuona, ŋaan bia kan mal waati, kiman ya yatin ŋaan ŋmat jiantil tingbana na paak. ¹¹ Yennun yet a, da paniu nan da kpel na kul biil n niib ya n me. ¹² Bi boi dakonn kpaanii pa, ki da konn na wanti b ba luon bin bann linba. Bi nyikime ki jii mɔŋ ki waa tingbanna, nan puo nba tu kpant boncunconn na. ¹³ Bi do jua yula paak ki mann maluŋ ki bia jokin bonnu nubit, tijakpela nyaka, ki maan li mant u mantik mei, ki i bopai tie janlonna ki i si wai kpant boncunconna. ¹⁴ N kan dat i bonpoi nan i bonjai tuba, a bi cuncomm paaki, ki man ŋamn mɔnŋ lin e comme nan puo cunconna ne ki manu maluŋ namm, niib nba ki mɔk yan kpann bi monŋ biilue. ¹⁵ Ho,Islael tieb, i jii i mɔŋ ki comm, ki jii k waanmi,ŋaan Juda tieb ki poukin i biilu ni, i daa saa Guigal, kuo Bethel duo ni ki jiantili, ki bia daa puol mopola, ki man Yennu be, ¹⁶ Ki man Islael tieb yiat nan nabik nba ki tuo kpaalu nee, ŋan mɔnntana Yennu sa kpaalɔ nan pebik nee, baɔuk nba mɔk muant, ki bia yalin ni. ¹⁷ Eflaim mann tigbana e, nyikino; ¹⁸ Li pal nan bi nyik daa nyunnu, bi bia lin ki comme, ki bit tuonndamm tuun fei tuonna. ¹⁹ Ki wonŋ saa daa ki pobin, ki bi fei bi tigban mannu na paak.