¹ Yennu yetin, a, ii saa ki ŋamm jii a lomm ki tul a ŋaa puo wunba lek comm na. L ŋan ki fiu lommɔ nan maa bia daa luon Islael tieb biaŋinba na. Baa lek ŋmat ki jiantil tingbann, ki mɔk niɔŋ nan b ii dia tiluankonna ki tien pata ki tie piini na. ² Li paak ki n daa u, nan kutibinpiena piik nan ŋanŋmu, ki bia pukin jiet boligbinna pinlole nan ŋanŋmun ki pa u paak. ³ Ki n yetɔ nan li ŋan ki wun guulin, lin wei bonciann ki daa waa jasua. Li yuo e ki si be nanɔ. ⁴ Ki n nee mun ki Islael tieb, sii bee ki lin wei bonciann, ŋan bi ki mɔk kpanbaala kuo tuanndamm, ki ki mann maluŋ u, kuo ki mɔk manntua liatijabiki, kuo ki mɔk pata. Kuo n man sial nba ki sii goli li buntili. ⁵ ŋaan li puolpoe, ki Islael tieb tan saa tunn jen bi yomdanɔ Yennu nan bi kpanbaal Dafid yaboonn na buol, ki bi sii jiantil yennu ki gaal u piinŋanii, yuo nba baat nani.