¹ L yuo manŋe k Juda din nyik u ninjamm ŋaan yaat k saan kua nan Jasua, k b yiu Hila k u mun din nyii duo nba tie Adulam. ² Leŋe k Juda la kaa na sapaa mɔ wunba k u baa tie sua. K Juda kuanɔ. ³ K u malɔ bonjak k u pulɔ El. ⁴ K u bia ŋamm suol puol k mal bonjak k pulɔ Onan. ⁵ K bia ŋamm mal bonjak k pulɔ Sela. yuo nba k u din din mal bik manŋ na JUda din be Aksibe. ⁶ Juda din la sapaamɔ, k u sann tie tamol k u jiu k tulɔ u bijakpel El. ⁷ El binbenŋ ni din k ŋan, k l k manŋ yennu, l paak k yennu kpiiu. ⁸ K Juda yet El waalɔ Onan a faat a yuɔlɔ pakuak, k gbienn t kaal nanɔ nan a tie u sɔlɔ waalɔ, k te k a yuolɔ ii mɔk tennin. ⁹ ŋaan k Onan mi nan waat na kii tie u yabi. L paak, yuo nba k u dua nan u yualɔ pakuak na u tuu ŋaan k jan na n kpaal k muan tinŋ nie, a u yualɔ pakuak na daa mɔk waati. ¹⁰ L' nba k u tuun na din k manŋ yennu k u bia kpiu. ¹¹ K Juda yet u sipuok Tamal a ŋmatl k kun a baa ŋaak kii daa kii tie pakuak nan a bija Sela nba tan saa kpaat. U din yet nna kpo nan u yulib nba kpo na l paak k Tamal ŋmat kun. ¹² K i jii yuo waan k Juda ŋaapuo kpo. Waa mɔ k fabn gbenn yuo nba k ŋɔa nan u yuak Hila, wunba nyii Adulam na saan timna a wun saa kuol u pei. ¹³ K sua bet Tamal nanu sipojak saa timma a wun saa kuol u pei. ¹⁴ K u lebit u pakɔliant nba k u tuu lia na ŋaan yil maayafi u nunpo k ji kal Enaim kpinŋ, k l tie duo nba k Timma sɔnu gaal lenŋ? U din tun nna k maan u mi fanu nan Juda bijuontik Sela ji kpaat a, k b mun bia daa k jiiu k tulɔ k b kuan liebi. ¹⁵ Yuo nba k juda la u, k u mia u tir cuncanne k maan u dɔkn u nunpo wa. ¹⁶ k u saan u buol sɔnjokpinŋ na k yet a ŋaant k man dua na na. A gaan yinŋae ? U din k mi nan u sipuok nae. K Tamal boiɔ a a saa tuln bee ? ¹⁷ K u jiin a, n saa suol bupanŋ n buluok ni k tula. K Tamal yetɔ a lii tie k a saa tuln sial mɔtana k mii dia k lii tie siala nan faa tan saa tuln buuk na l ŋan. ¹⁸ K Juda boiɔ a, n saa tula bee k lii tie nyinn i? k u jiin a, a banŋ nba mɔk dɔk nan l gbann na nan a patu nba k a somm nann na. K Juda jii k tulɔ. K b ji taan duanu, k u suol puol. ¹⁹ K tamal ŋmat k kun ŋaak ni k dɔkt maayafii na, ŋaan ŋamm lia pakɔliant. ²⁰ L puolpo k juda tun u yuak Hila nan buuk, a wun saan k saa tul puo na. ŋaan gaal u bona nba k u daan tulɔ na. K Hila saan k saa lamɔ k k lau. ²¹ K boi jasiab Enaim duo ni a puocinconn na ba lee? K b jiin a puocinconn daa k ban be nna. ²² K u ŋmat Juda penŋ k saa yetɔ a; n kpaan puo na k k lau. Jab nba kua lenŋ na yaa puocinconn daa k ban be lenŋ. ²³ K Juda yetɔ a ŋaant k wuu dia bona na. T k luon niib ii tanŋi laati. N yabil maan pau wa, ŋaan k a kpaanɔ k k lau. ²⁴ ŋmaalii ŋantaa puolpo, k sua yet Juda a sipuok Tamal tun boncincon tuona wa mɔtana, u ji mɔk puole. K Juda yet a; suotɔ k nyi nanɔ k juo muu, k kpiu. ²⁵ Baa suolɔ k nyi nanɔ yuo nba k u yet a bin pak u sipuok na a, jua nba yen bona nae tuln puol. Gotil k lanŋ nan l gbann nan patu na tie ŋmia yale? ²⁶ K Juda bann na; k yet a u mɔk mɔnii. N gbal man gbien n mɔbona wa n daan ba saa jii u e k tulɔ n bik Sela k wun kuanɔ. K Juda ji din k ban dua nanɔ. ²⁷ Laa din tan janŋ nan wun mal yuo nba k b bann nan u yaa wun mal jaatnbae. ²⁸ Waa kal mat daanŋ paak, k b yenɔ tut nuu k nyinn. K maannaa na suol ŋaan lol gundun mɔnŋ k lint nuu na k yet a wunba nae k b mɔlɔ sinsinn. ²⁹ K bik na fua u nuu k jiin, ŋaan k b mal u lua na sinsinn. K maannaa na yet a Bianŋ nba k a luon sɔnu k nyiie na k b ji din pulɔ peles. ³⁰ k l puolpo k b mal u lua na, k gungun mɔnŋ lol u nuu paak. K b pulɔ Sela.