¹ Jakob din kua kanaa tiŋni e, siaminba ki u baa din tuu kua na. ² Jakob nan u ŋaatieb labaale na: yoyef din tie naasinbike, ki mɔk bonna piik nan ŋanlolii. Ki kpaal pei na buuni. ŋua na u yualib; Binba din tie u baa puob Bilna nan silpa waat na. K yiyef jent nan u yualib labaabiit nan bituonna wa ki b tun ki want bi baa. ³ Jakob din mantik luon yoyef ki cie u waat na kul, kimaa u din kpete wa ki malua. U din nyal lioti, Jak nba ŋmat cabaa nba ŋanne ki tulɔ. ⁴ U yualib na nba la nan bi baa mantik luon yoyef ki gal bi kul na, ki bi ji nanmɔ, ki ki piak nanɔ nan lomme. ⁵ Dasial nyiaɔk ki yoyef damii damiit. Waa yet u yualib damiit na, ki naŋ ŋamm pukin. ⁶ U din yetib a gbiintil man damiit nba ki n damii na: ⁷ N damii ki kul be kpaab niki jaan jiet, ki bobint, ki n yal tan fiil set ki i yala mun set ki lint n yal, ŋaan gbaan ki tibin n yal na tuann. ⁸ Ki n yualib na boi ma. A duki nan , a saa di naan ki diat amii? Ki bi ji ŋamm namɔ bonciann, kimaan u damiit na paak nan linba ki u yet ki gaan bi po na. ⁹ Ki yoyef bia ŋamm damii damiiliet, ki yet u yualib a. N bia damii damiit , li ni ki n la yennu nan ŋmaalik nan ŋmaabila piik nan yenn, ki bi gbaan n tuann po. ¹⁰ Ki u bia bet u baa damiit maŋ. Ki u baa yakii nanɔ a. Dami buolibee na? A duki nan a naa nan a yualib nan min tan saa gbaan, ki tubin ti yula ki ti yugbia i siit tiŋ a tuann amii ? ¹¹ Yoyef ninjamm din mɔk funfunn nanɔ ŋaan ki u baa ŋalin dukiie ki jiin li po. ¹² Dasial ki yoyef yualib saan a bin kpaal bi baa pei sekema duo ni, ¹³ Ki Jakob yet yoyef a , n luon ki fin saa sekenn siaminba ki a yualib kpaal pei na ki yoyef jiin a, n tien siila. ¹⁴ Ki Jakob yetɔ a, i saa ki saa got ki laan a yualib mɔk laafia-a, nan bonkobit laafia po. Ki jen ki tan wannin, n nae ki baa din tumɔ. Ki u suol sɔnnu ki nyii Heblon baauk ni, ki saa baal sekem. ¹⁵ Ki ji lin lintl ki jua nna tan lau ki boiɔ a, A luon bee? ¹⁶ Ki jiin a, n luon n yualibe, binba kpaal pei na. A saa fit wannin baa be siamii? ¹⁷ Ki jua na yetɔ a bi dɔŋ saana, n bo gbat ki biyien a bi saa Dotann. Ki yoyef wei tɔki bi taa ki saa lab dotann. ¹⁸ Ki bi la u banfɔkil a, nan waa tan baat bi buolin, ki bi lol baa saa tien biaŋinba ki kpiu wa. ¹⁹ Bi din yet bi lieb a. Damiit daanitna nae baat na. ²⁰ ŋaant ki tin kpiu man, ki luu bunbunkonna ni yenn. ŋaan yet a muuk ni bonkobuko suolua. Ki tin jii la u damiit na nba tie linba. ²¹ Ki lu ben gbat baa yien, ki u yiab a wun tinn yoyef, ki yet a i daa te ki ti kpiu. ²² Kpan lumɔ bunbunn na ni, muuk ni na, ŋaan da tie u daŋi. U yet n na ki gbaa a wun fat yoyef manfuol u ninjamm buol. Ki jiu ki ŋmat kunnɔu baa buol. ²³ Yoyef nba baal u yualib buol yuo nba ki bi liat u liatija ŋanŋ na. ²⁴ ŋaan jiiu ki luu bunbunkonn ni. ²⁵ Baa di jiet yuo nba, ki bi la Ismael tieb ki bi yaba, ki tie kpinkpenta ki nyii Galaad ki saa Eyiipt, ki bi yinyokit jii tulaali, nan kpan numubit. ²⁶ K Juda yet u ninjamm na, a li i tie ki ti kpii ti waalɔ na, ŋaan bia dɔkin u kuun nyualante ki saa la ? ²⁷ Ŋaant ki tin koi'ɔ ki tul ismael tieb na. ŋanne saa te ki ti kan tulɔ daŋi. Li kula ŋan u poŋ tie waalɔ e, ti tia'ɔ sɔmme. Ki u nijamm na sak. ²⁸ Li yuo na ki Ismael kpinkpenta na siab gaal, ki yoyef yualib datɔ ki donnɔ bunbun na ni, ki koi'ɔ ki gaal salimpienkuna piinle, ki Ismael tieb jiu ki saan nanɔ Eyiipt. ²⁹ Luben nba jen bunbun na buol yuo nba, ki u la nan yoyef ki be leŋ, ki u pat u tiat nan wutuol. ³⁰ Ki ŋmat u ninjamm buol ki yet a bik na kaa leŋ. N saa tien nlee? ³¹ Ŋanne ki bi kpii buuk, ki gbal yoyef liatil na sɔn. ³² Ŋanne jii liatil na, ki kun nann bi baa buol, ki saa yet a. Ti tɔkil linba nae, li tie a bik yale e? ³³ Ki bi baa bannil ki yet a, nn li tie u yale. Muuk ni bonkob siɔko kpiu, ki pat n bik yoyef buli-buli a. ³⁴ Ki Jakɔb pat u liant nan wutuol, ŋaan lia bɔtonliant, ki bui ki fabin u bik kuun ki li wei bonciann. ³⁵ Ki u bonjai nan bonpoi kul baal ki tan balimɔ ki u yet baluŋ na, ŋaan yeti b a n tan sii sik kaɔuk ni ŋaan bia mɔ n bik na paake. ³⁶ Eyiipt tiŋ niŋ e, ki Ismael-tieb din kuat yoyef ki tulɔ Potifal wunba din tie kpanbaal na sojemm saakab na yenɔ. ŋua e din tie kpanbaal ŋaaguula na yudaanɔ.