1 ŋaan Rasel din mali l paak k u ji din mɔk funfunn nan u yuɔlɔ k yet Jakob a tulmin waat, ŋaan lii kii tie nnai kaa n saa kpo e. 2 Jakob pal din biil Rasel paak bonciann k u yet a: n kan fit kpant yennu. ŋua e te k a maali. 3 K Rasel yet a: n daab puok bilha e na. Duat nanɔ k wun mal bik tuln. lii tun nna, u paak, n mun saa kpant binaa wa. 4 K u jii Bilha k tul u sɔlua k u dual nanɔ. 5 Bilha din suol puol k mal bonjak. 6 K Rasel yet a: yennu kɔn n paak a. U gbiint n fabnii k tuln bika. k u pul u sann Dann. 7 Rasel daab puok bilha bia ŋamm suol puol, k mal Jakob, bonjaliek. 8 K Rasel yet a; kɔn nan n nu puo k nŋann nyannu wa. K pul u sann Neftali. 9 Lea nba din ji maal na, k u jii u daapuok Silpa, k tul Jakob k u kuanɔ . 10 k Silpa mal Jakob bonjak. 11 K Lea yet a n, mɔk yumann. K pul bik manŋ Gaad. 12 Silpa bia din mal bonjaliek. 13 K Lea yet a; n mɔk palpienn bonciann puob sii yin palpienndaanɔe. K pul bik na Asal. 14 K jiet jaanu yuo nba baal, k Ruben saan muuk ni, k saa la luan-sial nna k l tien puob matuk k u jii jen mann k tan tul u naa Lea. K Rasel yet Lea a tulmin a bija luana manŋ waan. 15 K lea jiina faat fat n sɔlua na l k janŋanii? K a bia luon k a fat n bik luanaa? K Rasel yet'ɔ a fii tuln a bija luana na, fin nan Jakob bo saa dual dinna nyiɔk. 16 K Jakob nba tan nyii kpab k jen yuo nba k Lea cet k pakɔ a, min nan fine saa dual nyɔk na; k maan n jii n bija luana k pa a paak a. Jakob din dual nanɔ l daal nyiɔk. 17 K yennu gbiint Lea mialu, k u suol k mal bonjak, k pukn maalu munŋmu. 18 Lea din yet a, yennu tuln nyuata, k maan maa jii n daabpuok k tul n sɔlua na. L paak k u pul bik manŋ Isakal . 19 Lea bia din ŋamm suol puol k mal bonjak k pukn maalu munluob. 20 K yet a yennu tuln piinŋa nna. Mɔtana n sɔlua pal sii pien n paak k maan n malɔ bonai banluoba. K pulɔ Sebulan. 21 K bia ŋamm mal bonpuok k pulɔ Dina. 22 K yennu din tial Rasel po, k gbat u mialu k tulɔ matuk. 23 K u suol puol k mal bonjak k yet a; yennu tuln bik k nyinnin fei ni waa. 24 Wun ŋamm tuln bonjak. ŋanne k u pul bik na Joosef. 25 Josef puolpo e, k Jakob yet Laban a tulmin yaak k man ŋmat kun n tiɔnŋ duo ni. 26 Jiin n puob nan waat nba k n tuma k la na k tuln, k man kun. A mi ma tun tula bianŋ nba. 27 K laban jii na ŋaant k pa sial, n la jabaat ni, nan a paake k yennu tien piisn n paak. 28 Wantn a nyuat nba tie bianŋ nba k man paa. 29 K Jakob yet'ɔ a: a mi maa tuma bianŋ nba nan maa got a bonkobit k pɔt bianŋ nba. 30 Waam nba k a din mok a k n baal na, i yabt k ji kaa kanni. Mii saan sianba kul yennu tuu tien piisn a paak e. Tɔn l janŋ nan man lon n mɔnŋ yala. 31 K Laban boiɔ a n saa paa bee ? K Jakob jiin a, n k luon patii kaa-fii sak n dudukt nba k mɔk luon k n wanna na n bo sii golii a bonkobit na e. 32 ŋaant man kua a bonkobluok ni dinna k gann peiuk nba kul mɔk lekbonn nan pebila nba tie pebɔ nii kul nan buunii kul nba mɔk lekbɔna k bii tie n yab. Paatii nba k luon ne na. 33 ŋaan sianyuo a tan saa bann maa tie niŋanɔ nan maa k tie niŋanɔ. Fii tan kua n bonkob luok ni k la pieuk nba k tie pelebona kuo k k tie pebɔnŋ k bia la buuk nba k tie nanyukbonte. 34 K Laban jii na: n saka faa dukn bianŋ nba na ti saa tun n nae. 35 L daal k Laban gann bujai nba mɔk leka na nan bunaanii nba mɔk leka na nan pebonii na, k te k u waat guu bonkobit manŋ. 36 K u tan jiib k somm namm daa ŋanta. K Jakob bial k golii ŋua laban bonkobik nba tenn na. 37 K Jakob cua tisiak n na yiinmaata, k pukit yenn nba dapɔkii k l ji pien. 38 K u jii yiinii na k bil bonkobit na tuann po baa nyu nyun sianba na, u din tien n na k maan bonkobit na i sik nyun nyunu b tuu do liebe. 39 K buunii na i duo lieb lenŋ b tuu mal bubi pupolii nan bon lakii. 40 K Jakob bɔkit pei nan buunii na k tokimm laan bonkobt bɔnii nan bontommii na po. U din maa u tiɔnŋ bonkob luoke ŋaan nyik laban yal na. 41 Yuo nba k bonkob paalii nz duo lieb na, Jakob tuo jii yiinii nae k b tuann po b nyun nyu buol a bii do lieb yii nii manŋ buol. 42 ŋaan din k biln yii nii na bonkob butmii na tuanni. L din k wei kaa waa, k Laban bonkobit kul tie bonbutmii ŋaan k Jkob yab tie bonpaalit. 43 L din tien n nae k Jakob mɔkit yiama. U din mɔk pei nan buunii nan daaba nan Naagunii nba nan bonii.