¹ Jakob din siet k saa; k saa baal digbansial n na, k l be yondo po. ² L yuo na k u la bun bunn k l be duo kpinŋ k pei kuonn muntaa duo bunbunnn na ni e k nyunt pei manŋ, k tangbenŋil bii l mɔb paak. ³ Pei manŋi nakn bunbunn na buol yuo nba, pekpaali na din tuo biit tann na e k nyunnib. B ii nyuu gbonn bin jiin tann na k biin. ⁴ Jakob din boi pekpaalii manŋ a; n yuat nba i nyii lee ? K b jii na, tnyoo Halanne. ⁵ K u bia boib a i mi Nahol bija laban mii ? K b yet a t miu. ⁶ K u bia boib a l manɔa ? K b yet a l manɔ. Gotil u bipuo Rasale baat nan pei na. ⁷ K Jakob yet a; laa daa k janŋ nan yin kuan pei manŋ na yii bonni nyunnib ŋaan ŋmat namm muuk ni. ⁸ K b jiin a t kan fit tien n na sie k pei na kul tikil n na k sua biit tann na k tulit; k t fit nyunnib. ⁹ Jakob kpan piak gbante k Rasel baal na u pei. ¹⁰ Jakob nba la Rasel baat nan u yia laban pei yuo nba, k u saan bunbunn na buol k saa biit tann na k nyunn pei manŋ ¹¹ K muat Rasel tankpinn ŋaan ji bui sanpaapo wa, k maan u pal nba penn k l saa gal na. ¹² U din yet Rasel a, n tie a baa nikpiimɔ e n naa e tie Rabeka. Kasel cial kun a wun saa kumi u baa. ¹³ U baa nba gbat u yia Jakob po manŋ na, k u cial cet k puul wabua, ŋaan muat u tankpinn, k ji jiu kun nanɔ ŋaak ni. Jakob nba pak wann laban l'nba kul tun. ¹⁴ K u jiin a: nn balmɔni , a tie n gbanant nan n sɔme. Jakob din be laban ŋaak e k saa kpii ŋmalik. ¹⁵ Laban din yet Jakob a: daa tuumin yann a faa tie n nikpumɔ na paaki. A luon k n paa yinŋae? ¹⁶ Laban din mɔk bonpoi banlie, k saa kɔa pa sann tie Lea, k bonbik na sann tie Rasel. ¹⁷ Lea din mɔk ninbina fant, k Rasel mun mɔk gbananfant, k bia tie sapaanfanŋ. ¹⁸ L paak, Jkob din luon Rasele. U din yet laban a lii tie k a saa tuln Rasel k nan kuanɔ; n bo saa tuma bina ŋanlole. ¹⁹ K laban jii n a; mii jii k tula, i cie nan jiu k tul sua. Ti be n ŋaak nna. ²⁰ Rasel paak k Jakob tun laban bina ŋanlole, ŋaan k l naan nan daa ŋanlolee na, k maan waaa luon Rasel na paa. ²¹ K Jakob tan pak laban, yuo na baala. ŋaant man kuan a bipuo manŋ. ²² K laban tien puokuant jaamm, k yiin niib bonciann. ²³ K nyiɔk nba bɔnn k laban nyik Rasel ŋaan jii Lea k tul Jakob k Jakob kuanɔ. ²⁴ Laban din jii u daab puok sil^pae k tul Lea, a wuu sommitɔ. ²⁵ Sanyiɔk din yente wa, k Jakob ji bann nan l tie Lea. L yuo na ku saan saa boi laban a, bee k a tienin n na? N tuma Rasel paak e. Bee k a kpalmi. ²⁶ K Laban yet a t kaal k tie tin jii bik k tulɔ jab ŋaan k u yualɔ daa kali. ²⁷ Li tie suon k puokuant daaŋanlole na malunŋ na n gala, k fii sak k saaŋamm tumin bina ŋanlole, n saa tula Rasel. ²⁸ K Jakob sak, k puokuant daaŋanlole malunŋ nba gal yuo nba, k laban jii Rasel k pukn Jakob, k u kuanɔ. ²⁹ Laban din jii u daapuok Bilha k tul Rasel, k u tie u sommtua. ³⁰ K Jakob kuan Rasel k pukn. U din luon Rasel k gal Lea. K Jakob tun laban bina ŋanlole biak. ³¹ Yennu nba la nan Jakob k luon Lea fanu na, k u tul Lea matuk, ŋaan k Rasel ŋaln ji tie kanmatilk. ³² Lea din suol puol k mal bonjak k yet a yennu la n daa miu wa, k mɔtana n sɔlua ji sii luonin. L paak k u pul bik manŋ Ruben. ³³ U bia din ŋamm suol puol k mal bonjak k yet a yennu e bia tuln bik na k maan u gbat nan b tuu k luonimi. K u pul bik manŋ Simcon. ³⁴ K u bia suol puol k mal bonjak. U din yet a mɔtana n sɔlɔa ji kan kpiatimi, k maan n malɔ bonjai bantae na . L paak k pul bik manŋ Liifai. ³⁵ U din jen suol puol k bia mal bonjak k yet a mɔtana n saa dont yennu e. L paak k u pulɔ Juda, ŋaan k u matuk daa set.