¹ k waauk e lin tie wunba sub k gal bonkobt kul nba lin be muuk ni. k boi puo a yennu set yet na i laa di tiini nba be n na kul luanaa? ² K puo jiin a t saa fit di luana nba be n na. ³ ŋaan wunba be sunsuuk nna ŋanin t laa di k boi tin sii k maan ti dii t saa kpo e. ⁴ L yuo na k waauk yet puo a i kan kpo. ⁵ ŋaan u mi nan i dii daal nba i nunii saa yent e k i j sii tie nan ŋua na e k sii mi linba ŋan nan linba bi. ⁶ K puo la nan l tiik luana ŋan nan dinnu k bia saa tul'b yenfuon. K jii dii ŋaan tul u sɔlua k u mun dii ⁷ K b munii yent k b got sua b sie yann, l yuo k b bann tiik nba k b yi fiigie faat k dɔkin b mɔnŋ. ⁸ L yuo k b gbat kaagbennu yennu kunkɔl gingɔnŋ na ni daajuok, k jua nan u ŋaapuo j tin k bɔl yennu tiinii ni. ⁹ ŋann e k kaagbennu yennu yiin jua k boi'ɔ; a be lee ? ¹⁰ K u jiina ; n gbat a kunkɔl e gungɔnŋ ni k jamŋni suol'n k maan nba yann e l paak te k n bɔl. ¹¹ K kaagbennu boi'ɔ, mŋe wann a nab a be yanni? a dii tiik nba k a laa wann a nan a laa di na e? ¹² K jua jiin a puo nba k a laa tul'n tul'n k n dii. ¹³ K kaagbennu yennu boi pupo a be k a tien nna ? puo jii na waauk u kpann'n k n dii ¹⁴ k kaagbennu yennu yet waauik; faa tun linba na n saa pol'a mɔb muuk ni bonkobt kul buol, a sii buak a puol paak k muatanbiini a fuon nan a kuun. ¹⁵ N saa patik fin nan puo, a yaabuonaa nan u yaabuonaa. u tuu saa yiel a yul fan mun jun u taagbinn. ¹⁶ K mun pak puo; a tuu saa suol puol k di falaa a matuk sii ton bonciann ŋaan a sii mɔk lonm nan a sɔlua ŋaan u sii mɔk yiko a paak. ¹⁷ k u yet jua, maan a gaal a ŋaapuo maan k dii ti luanaa nba k n laan kuana na n saa pol tinŋ mɔb a paak, ¹⁸ a tuu saa di falaa k fial tuntonŋ mii k fit la a jiet k saa nan a kuun. ¹⁹ a tuu saa la falaa k kunkoni saa cɔkta kpaab ni e waa fan fit la jiet. a tuu saa fial naauk o waa k fit di, nan yuo nba k ta saamŋat tinŋ ni faa lin nŋii sian. k maan a tie tante k bia ta saa mŋat tant ni. ²⁰ Adam lin pul u ŋaapuo Ev k maan ŋua tie nifosaalik k u naa. ²¹ Kaagbennu yennu jii bonkobt gbent k nŋal tiat l lann Adam nan u ŋaapuo. ²² Kaagbennu yennu yet a : jua j kpant tie nan min yennu na e k mi bonŋann nan bonbiit t j saa te k u laa tantl u nuu k siin manfuol tik k saa maan di k mɔk manfuol nba kaagbennu. ²³ ŋann e k kaagbennu belua gungɔnŋ na ni a wun saan ki ko kpaab waa lin nŋii sian. ²⁴ n na e k u j lin bel adam ŋaan lin baal nan binba k b yi b selibin nba Eden yendopo k b lin dia juk banjiak nba fɔk k guu man fuol tiik na sonuu po.