¹ L yuo ne k sanpaak na tiŋ na linba kuol l ni ne naamii gbenn. ² Daa ŋaaloli k sua yennu gbenn u naamii tuonna kuola; k foï daa ŋaalolie maŋ ni. Kii k tun naamii tuonni. ³ K yennu tien piisin daa ŋaalolie k tienil dagaŋil k foi, kiman l daal ne k u gbenn u naamii tuonawa. ⁴ Bianŋinba din naan sanpaak na tinŋ. ⁵ Yuo nba kaagbennu yennu, din te k sanpaak na tinŋ naa ne tiibla daa din ka tinŋ paak, k buon pianna din daa k pia kpaant ni. Kaagbennu yennu din k ko tinŋ. ⁶ Ŋaan maalii din tu nyi tinŋ n ie k maakit tinŋ paak. ⁷ K kaagbennu yennu jii tinŋ tant k nan Nisaalik; k pebli fuon u manbuona ni, k maafuol, baal k nisaalik fiil k tie Nuluo. ⁸ Ŋann ie kaagbennu yennu ŋaam gaadinn kpaab yondo po, leŋ k b yi Edenn kpaab k u ji Nisaalik nba ku naamuo ne k tennɔ leŋ. ⁹ Tinŋ manŋ nie k yennu din te tibuolu kul pia. K ŋan nunpo k bia ŋan nan dinnu ki maafuol tiik be gaadinn sinsink k tie miinnu na yuunbuonn tiik. ¹⁰ Muakil din nyi Edenn kpaab manŋ nie k buonkit nyun suannii naana k maat gaadinn kpaab. ¹¹ Sinsinn muakil din yi pisconn, muakil manŋ din kaalint; Havila do. Leŋ k saalma din be. ¹² K do manŋ ni saalma ŋan k mɔk tulaali nba nuubluo man na taanna nba dauo k paal. ¹³ K munlie po muakil yi Guihon muakil manŋ din kaalint, Cusch do. ¹⁴ K muntaa muakil nyi Hiddékel; k l puub k jin l'Assyrie yendo po k munna muakil sann yi l'Euphrate. ¹⁵ Kaagbennu yennu jin kpaab nba be Eden gaadinn k tul Nisaalik, a u wuu ko k bia ŋamii. ¹⁶ Kaagbennu yennu tuulua yaak na u fit di tiik kul nba be kpaab ne ni. ¹⁷ Ŋaan a da di tiik nba tie minnu na yunbuonn tiik ne daal nba kaa di a saa kpo n n ie. ¹⁸ Ŋann ie k kaagbennu yennu yet a l k ŋan k jua i i be u kuukua n saa nan sua u wun tie u suomitua wu naamua. ¹⁹ Kaagbennu yennu din tante k nan buonkobit kul, na nuanii kul nba saapaapo k baal namm Nisaalik buol a wun pul ŋann ne tie b Sana. ²⁰ K Nisaalik din pul buonkobit ku sana na nuanii nba saapaapo na muuk buonkobit kul, ŋan Adam din muak suomitua k u nannua. ²¹ Ŋann ie kaagbennu yennu te k guacionŋ sual Adam k dual guan k u jin u kapilu yinn k te gbannant taan. ²² K kaagbennu yennu jin kapilu nba k u nyinn jua niŋ ne k u jil k nan puo k jiu k kubin Adam. ²³ Ŋann ie k jua jin yet a n kpabil nba tie kpabil n gbanant nba tie gbanant u sann sii tie puo kiman u nyii ju nie. ²⁴ L paak jua saa nyink u baa nan naa ŋaan kua puo k b niib banlie n taan k tie gbananyinnkua. ²⁵ Jua nan puo kul din suomm yann kii k tiin fei.