¹ Adam be nan u ŋaapuo Ev k suol puol k mal kaaen k j yet a kaagbennu nu sann ni e k n mal bonjak. ² L puolpo k u mal u waalua Abel. Abel tie bonkob kpalik e k kaaen tie kpakuolua. ³ K dasial kaaen tan jii u kpab jiet a wun tul yennu. ⁴ Abel mun jii u bonkobt ni mat sinsinn nant nba ŋan k tul yennu. K yennu nunm gbuo Abel nan u piini, ⁵ ŋaan k k gbuo kaaen nan u piini k kaaen wutuol duo k u nunm po biil bonciann. ⁶ k yennu boi kaaen a be k a donn wutuol i? be k a biil nunm po? ⁷ a i bo e tun linba ŋan a yul bo sii be sanpaapo e, ŋaan a i tun biit saatan sii dua tanmɔb ni e ŋaan u sii mɔk lonm nan a. ŋaan a sii mɔk yiko u paak. ⁸ ŋaan k i yuo kaaen suki u waalua Abel . baa kua muuk yuo nba k kaaen suol u waalua kpiiu. ⁹ k yennu boi kaaen a a waalua Abel be lia? k u jiin a n k mi,min e tie n waalua guutua a ? ¹⁰ k yennu yet' ua a be ka tun n na ? Gbiintil a waalua sɔn yikn k nŋii tinŋ k baat a buol . ¹¹ Mɔtana a be mɔpol ni k j kan fit ko tinŋ nba yaat u mɔb k gaal a waalua sɔn wunba k a kpiu na . ¹² L i tie k a kuo kpaab a kan la sial. a sii tie bonyiyekl e l in tinŋ na paak ¹³ k kaaen yet yennu a: a tub daatuu na saa gal n panŋ telik a. ¹⁴ Mɔtana a bielin k nŋint'n tingbonŋ na paak k wunba kul cet'n u saa kpin. ¹⁵ K yennu yet' ua wunba kul kpii kaaen l daanua saa la tubdatuu taal munlole, ŋann e k kaagbennu tien daak a wunba kul la u u la kpiu. ¹⁶ K kaaen nŋii yennu buolu k saan kal tinŋ nba k b yi Nod k l be Edenn yendopo. ¹⁷ K kaaen lin dual nan u ŋaapuo k u suol puol k mal Enok. Kaaen lin maa duo k pul duo manŋ sann k gaan nan u bik sann Enok. ¹⁸ Enok lin mal ilaad, k ilaad mal msiijael, k msiijael mun mal metiisael, k metiisael mal lemek. ¹⁹ lemek kuon puob balnle yenua sann tie Ada k l:ua tie ciila. ²⁰ Ada mal jabel ŋua e tie binba tie lanbont k kua lenŋ k juon bonkobt na baa. ²¹ U ninja sann tie jubal ŋua e tie binba pieb naa tuna naagbai na baa . ²² cilaa mun lin mal tubal kaaen k u lin tie sakultua. Tubal kaaen waalua bonpuok mun lin tie naamaa. ²³ Lemek lin yet u ŋaapuob Ada nan cilaa a: n ŋaapuob gbintl man, n kpii jua n danŋ paak nan naasimua n fiat paak. ²⁴ Tubdatuu munlole saa pa kaaen paak k tubdatuu piinlole nan ŋanlole lemek paak . ²⁵ Adam bia lin dua nan u ŋaapuo k u mal bijabik k pulua seth k maan u yet a; yennu bia ŋanm tul'n bonjak Abel nba k kaaen lin kpiu na paak. ²⁶ Seth mun mal bonjak k pyulua Enoc l yuo e k b lin piin dont yennu sann.