¹ L puolpoe k yennu tial waa din pak puon Sara mɔpuotii nba na po. ² K Sara suol puol, k mal bonjak, k tul Abraham k sua, k u ponŋ kpeta na. B din mal bik manŋ yuo nba k yennu senn mɔsonn nan b tan saa malɔ nae. ³ K Abraham pul bik manŋ sann Isaak. ⁴ Waa din dii daa ŋanniin na, k Abraham pot u punn, nan yennu nba wann bianŋ'nba na. ⁵ Baa din mal Isaak yuo nba, k sua Abraham mɔk bina kobike. ⁶ K Sara yet a: yennu tulin palpienn nan laata, wunba kul gbat l po, u saa laa taanima. ⁷ K bia ŋamm yet a: ŋmee bo saa mi k yet Abraham nan Sara tan saa mal bik i? ŋaan n mal bonjak k tul ŋɔa jakpel nae na. ⁸ Isaak nba tan tukit biil daal nba, k Abraham tien jaangbenŋil. ⁹ Dasial, k Ismael, wunba k Ijipt bik Agal din malɔ k tul Abraham na tan jelin Isaak. ¹⁰ Sara nba lab na k u pak Abraham a; belin nyinn daabpuok nan u bija na ŋaak na ni. puo na bik kan di a faal nba tie n bija Isaak yal na nan waama. ¹¹ L din biil Abraham pal bonciann, k maan Ismael mun bia tie ŋɔa Abraham bijae. ¹² ŋaan k yennu pak Abraham nan u daa biil u pal k jiin u daabpuok Agal nan u bija na po, a tumin l'nba kul k Sara wanna, k maan Isaak nie k n yaa n tula yaabuona bonciann nba k n senn mɔsonn nan n saa tula na. ¹³ N bia saa tul daapuok bija na waat bonciann k b mun tan sii tie buolgbenŋile; k maan u mun bia tie a bijae. ¹⁴ K Abraham fiit sanyiɔk ni pob, k jii jiet k tul Agal; k bia liak nyun linlenn ni k balmɔ, k bia jii bik na k pukinɔ k nyinnib u ŋaak ni, Agal din yaat kɔa muuko, k saa lin Beelseba fɔal ni. ¹⁵ Nyun nba k u din dia nan linlenn na nba gbenn yuo nba, k u jii bik na k kaanɔ tituuk nyakil. ¹⁶ ŋaan nyat saan waan k kal. U din pak tul u mɔnŋ a, n kan fit kii golii n bik na nan waa tan saa kpoo. U ji din jak mɔniie k mɔ, waa kal siam nba manŋ ¹⁷ Yennu din gbat bik na mɔnii, k u malaka pak yendɔunŋ ni wa k tul Agal a, Agal, bee paake te k a biil a pali ? Daa tiin jaŋmaa nii, yennu gbat bik na mɔnii wa. ¹⁸ Fiit saan jii bik manŋ k kalimɔ. N saa te k u yaabuonanii tie digbanjaanne. ¹⁹ L yuo na k yennu te k Agal numpo yent, k u la bunbunn, k jii linlenn na k saan luun nyun k tan wat k nyunn bik na. ²⁰ Yennu din be nan bik na nan u kpaatu ni. K bik na be palann fɔal ni k tan subil, k tie wunba mi waaluk bonciann. ²¹ L yuo na, k u maa kpaan Ijipt bik k tulɔ, k u kɔanɔ. ²² L yuo na, k bat Abimelek jii u tuontunna saakɔa k b yiu Fikol, k b saan Abraham buol, k saa pakɔ , yennu be nanae, l'nba k a tuun kul ni. ²³ L paak polin nan b'nbenŋ sii ŋan k tul min nan n tinŋ nba k a be lenŋ na nan n binbenŋ nba ŋan k tula bianŋ'nba na. ²⁴ K Abraham jiina, n senn mɔsonn na. ²⁵ Abraham din wann Abimelek bunbunn nba k ŋɔa Abimelek tuontunna fat na po. ²⁶ K Abimelek jiin a; n k mi wunbae tun nna daa gbia na. ²⁷ K Abraham paat pei nan nei k tul Abimelek, k b banlie lakin taan j lol mɔlol nan b sii man nan lieb. ²⁸ ŋanne k Abraham gann pei banlole. ²⁹ K Abimelek boiɔ a: Bee k a tie nna ? ³⁰ Abraham jiin a Gaat pei banlole na l'n wann nan mine gbiil bunbunn manŋ. ³¹ K b din pul lenŋ beelseba, k maan lenŋe k b banlie lol mɔlol. ³² Baa senn mɔsonn manŋ k gbenn na, k Abimelek nan Fikol ji ŋmat kun Filistin. ³³ K Abraham bul ti siak nna lenŋ, k jiant yennu, wunba tie yaayuo nan yaayuo yennu na. ³⁴ Abraham din kal Filistin duo manŋ ni k l wei bonciann.