¹ Abraham din fiil Mamle k saan Keekann yent po, k saa kal Kades nan Sul sunsuuk ni. L puolpo yuo nba k u ji din be digbann nba k b yil Gelal na. ² K u yet nan u ŋaapuo Sara tie u niipuo ŋanne k bat Abimelek te k b jii Sara k baal nanɔ u ŋaak ni. ³ Daasial nyiɔk k yennu tan dɔkt Abimelek paak damiit ni, k yetɔ a: A saa kpo nnae; k maan faa jii puo na na paak. U ponŋ kun jua wa. ⁴ ŋaan Abimelek din daa k nak'n Sara. ŋanne k u yet a: N yomdaanɔ n k mɔk biiti. A saa biil man nan n niibaa? ⁵ Abraham mɔnŋe yet nan Sara tie u niipuoe, k ŋɔa Sara mun bia pak nnae. N tun l'nba na nan n papienne, n k mɔk siala biiti. ⁶ K yennu jii damiit na ni a: N mi nan a tun nan papienne ŋanne tien k gɔala k a k siiu k tun biit k tulin. ⁷ Mɔtana, jiint puo manŋ k tul u sɔlɔ. U tie min yennu sɔkiniie, k saa mizl min yennu k tula, k a kan kpo. ŋaan n kpaanae, fii kii jiinɔ, sie k a kpa, fin nan a niib kul. ⁸ Laa yent sanyapob ni, k Abimelek yiin u saakab kul k wannib l'nba kul tun. K jaŋmaanii suolib bonciann. ⁹ K Abimelek mun yiin Abraham k boiɔ a: A tient bee na? N biila bee, k a te k biit na mantik tumin tuonn nba k a ba kan mik tumma. ¹⁰ K Abimelek boi Abraham a: A bo mɔk duduk lante, k tumin l tuonni? ¹¹ K Abraham jiin a: N bo dukin nan sua sii kaa duo na ni k tie yentinɔe, k b tan saa mann kpin, ŋaan yent n ŋaapo manŋ. ¹² U set tie n niipuoe. U tie n baa bike, ŋaan u k tie n naa bik kaa, k n kɔanɔ. ¹³ L paak, yennu nba nyinnin n baa tinŋ ni k baal nanin digbansaan na ni k n pakɔ a: sɔa kul i boia, fan yet nan n niipuoe tia, k lin wann nan a set mɔk lomm nanin. ¹⁴ L yuo na, k Abimelek jii Sara k jiin tul Abraham ŋaan bia pukinɔ pei nan nei, nan daaba. ¹⁵ ŋaan pak Abraham a: N yente duo na kul kalin luon sianba. ¹⁶ Abimelek din yet Sara nan u tien u ninja Abraham salimpiena tutle, k l tie nyinn, a niib nba be lenŋ na kul n bann nan ŋɔa Sara k tun siala biiti. ¹⁷ K Abraham mial yennu, k yennu tul Abimelek laafia, nan u ŋaapuo; nan u daabpoi; k b matuk ji luot. ¹⁸ K maan yennue din jit b matuk, duk'n Abraham ŋaapuo Sara paak.