¹ Yennu din baal Abraham bool manle tijakpela na ninŋe. Dasial yensuuk ni; k Abraham kal u lanbounŋ tammɔb bool. ² k tan jiant k saa jab bantaa k sie kk fɔknanɔ. waa lab yuo nba k u tin cetib k saa baa fabin b tuann. ³ ŋaan yet a; N yomdam; daa gaai; n be nna k saa sommi. ⁴ ŋaant k n tuli nyun k yin wuulu taa; k kal tiik na maasu; k foi waan. ⁵ N bia saa tuli jiet waan k yin di k tukn panŋ, k fit gal. Yaa baal n ŋaak ni na i tuln baakila; l paak; ŋaant man sommi. K b jiin a; tiem faa yaa tun lnba. ⁶ K Abraham kɔa yiama u ŋaapuo sara buol lanbonŋ ni k yetɔ kaktl k jii yan k tien bilaat. ⁷ L yuo na k Abraham saan u nei buol k suol naabik nba mɔk gbanant fanu wa k tul u tuntunɔ, k u kpiu k ŋammɔ yiama. ⁸ Baa tien jiet na k gbenn; k u jii naabikkpan nan naabiin, k pukn nant na po k tul jab manŋ. U tiɔnŋo din jii jiet manŋ k saan tii nii na maasu, k saa tulb k di, ŋaan k u sie kpiab. ⁹ K b boiɔ a u ŋaapo sara be lia. Abraham jiin a u be lanbounŋ na ni. ¹⁰ K saamm manŋ yenɔ jenɔ jet a; binn po; nnaa, yuo ; n saa jen,k sua saka mɔk bonjak saka mun din biak lanbounŋ na tammɔkpianue ŋaan gbiin. ¹¹ Abraham nan sara kul din kpet bonciann k sara panŋ ji k daan nan u saa fit mal biki. ¹² Sara din laae ŋaan dukn a; Maa kpet k juaka na; n saa la palpienn manŋa a? k n sɔlo mun bia kpet a. ¹³ K yennu boi Abraham a; beek sara laa ŋaan yet a waa tan kpeta na, u saa fit mal bikaa? ¹⁴ Sial be k min yennu kan fitii? Nan maa kpan pak bianŋnba na. binn po, nna yuo , n saa jen, k sara sii mɔk bonjak. ¹⁵ K Sara faal k yet a; u k laa; k maan jaŋmanii din suolɔ wa. ŋaan k yennu yetɔ a balmɔnii a laa wa. ¹⁶ Jab na nba din fiil , k Abraham ciantib a wun cabib, k b din jiant, k got sodom po. ¹⁷ K yennu din yet a, N kan bɔl Abraham maa yaa n tun lnba na. ¹⁸ Abraham yaabuona tan sii yab k bia mɔk panŋ bonciann. u paake k n saa yat yetiŋamm niib buolu kul paak; tingbounŋ na. ¹⁹ K maan n ganɔ a wun pak wann u waat nan u yaabuona; k bin sak n mɔk bia tun lnba ŋan. Bii tun nna, n saa tun k tulɔ na ²⁰ ŋanne k u yet Abraham a; niib mɔnii nan fabnii baal n buol bonciann, k jiin sodom nan gomol biciɔnŋ na po. ²¹ N yaa n saan lenŋe, k laan maa gbat bianŋba k jiin b tuonbiit manŋ pa na; l tie mɔnii yee? ²² K Jab banlie na siet k saa sodom po. ŋaan k Abraham bial k be nan yennu. ²³ K Abraham nakinɔ k yet a; A set yaa kpab biil ni ŋamm nan nibiit na kulee? ²⁴ L k gal niŋamm saa tien piiŋmu duo na ninŋa; a saa kpab k biil b kul aa? A kan nyik duo manŋ biilu k tinn niŋamm piinŋmu naa? ²⁵ A kan sak biil niŋamm nan nibiit kul yommi. L paal nan k a tie nna; a kan tien. nna. Lii tie k a tien nna; niŋamm nan nibiit na kul saa di biak yuommo. L paaka. Tingbounŋ na balbuulɔ tie wu tun bona fanue. ²⁶ K yennu yet a; Lii tie k n la niŋamm piinŋmu n kan biil duo na; n saa nyik cab biit k maan b paak. ²⁷ K Abraham yet a yennu nyikn cab'n , k maan ma mɔk pal k piak nana na. N tie nisaalike n k mɔk yiiko nan k n pak nana ni. ²⁸ L k gal fan la niŋamm piiŋmu, ŋaan k b tie piinna nan banŋmu. A saa biil duo manŋ k maan niib banŋmu nba pɔt na paak aa ? K yennu jiin a mii la niŋamm piinna nan banŋmu, n kan biil duo manŋi. ²⁹ Abraham din ŋamm yet a: L k gal fan la niŋamm piinna. K yennu jiin a mii la niŋamm piinna, n kan biil duo na. ³⁰ Abraham ŋamm yet a; N yomdanɔ, n balmae daa dot wutuol n paaki, n saa ŋamm paka, lii tie k a la niŋamm piitaa duo manŋ ni a saa bilil aa ? ³¹ Abraham din yet a: N yomdanɔ, n balmae nyikn cab'n nan maa mɔk pal nba k tuk'n piak nana na. Lii tie k a la niŋamm piinlie? K u jiin a u la piilie, u kan biil duo na. ³² Abraham din ŋamm yet a: N yomdaanɔ, daa dont wutuol n paak, k man pak yomkɔa pukin. Lii tie k a la niŋamm piik kuukua duo na ni, a saa biil duo manŋ aa ? K yennu jiin a lii tie k n la niŋamm piik duo na ni, n kan biil dio na. ³³ Yennu nba pak nan Abraham k gbenn yu nba k u yaat, ŋaan k Abraham mun ŋmat kun u ŋaak ni.