¹ Yuo nba k Abraham din la bina piinyia nan ŋanyia na; k yennu baal u buol k tan yetɔ a; Mene tie yabnt yennu. Ti saak n maan k daa tuun biiti. ² N saa gbien min nan fin mɔsonn na k yabt a yaabuona. ³ K Abraham baa k fabn tinŋ ni; k yennu yetɔ a; ⁴ Mɔsonn nba k nya n tulae na; A tan sii tie niib buolu kul yiejae. ⁵ B ji kan ban yiina Abraham; ŋaan b ji sii yia Abrahame; k maan; n tiena ni buolu kul baae. ⁶ N saa tula yaabuona bonciann; k siab saa nyi kpanbala. A sii mɔk yaabuona bonciann k b tan sii tie buolu buolu. ⁷ Mosnn nba k n senn k tul fin nan a yaabuona na; n saa dial nan yuo nba wa kul. Mene sii tie fin nan a yaabuona yennu. ⁸ N saa jii tinŋ nba k a be lenŋ k tie samɔ na k tul fin nan a yaabuona. Kaana tinŋ na kul sii tie fin nan a yaabuona yente; k mine sii tie b yennu. ⁹ K yennu pak Abraham a; l luon k fin nan a yaabuona ii dia n mɔlol na. ¹⁰ Fin nan a yaabuona kul n sak kii polii i bonjai puna. Ii ¹¹ tuo pot ii puna k lii tie n mɔlol nyinn k tul min nan yimm. ¹² Daa ŋannin daal. Ii tuo pot ii bonjai puna; daaba nba k b malib i ŋei ni; nan daaba nba k i daab sial po na kul; ii tuo pot b puna. Lnba nae saa wann nan mɔlol be min nan yimm sunsuuk ni. ¹³ L luon k sua kul n pot u punn; yaa mal wunba nan yaa daa wunba kul; k lii tie nyinn nba sie paa nu ni nan n mɔlol na sii tun be nani. ¹⁴ Wunba k pot u punn; u kan pukin n niganikab na po; k maan u k dia n mɔlol na. ¹⁵ Yennu yet Abraham a, laa nyii dinna k sa; a ji daa yi a ŋaapuo sarai; ŋaan u sanne tie sara. N saa tien piisin u paak; k saa te wun mal bonjak k tula. ¹⁶ N saa tien piisin u paak k u yaabuona tan sii yab boncian k siab tan saa nyi kpanbalae. ¹⁷ K Abraham din baa k fabn tinŋ ni k laa ŋaan yien a; jua nba la bina kobina saa tien nlee k tan mal biki? ¹⁸ k sara nba dii bina piiyia wa na sa fit mal bik a? k Abraham pak yennu a; ah a te k Imael n tien n fadilɔ. ¹⁹ K yennu yet a; Aii. A ŋaapuo sara saa mal bonjak k a saa pul u sann Isaak k n mɔlol sii tun be ŋɔa nan u yaabuona sunsuuk ni.L mɔlol sii tun bee yuo kul . ²⁰ N gbat fabnii nba jiin Imael po naa wa n saa tien piisin u paak; k tulɔ waat nan yaabuobona bonciann. U sii tie kpanbala piik nan banlie baae; k u yaabuona tan sii buolgbenŋel. ²¹ N mɔlol na ŋalin sii be nan Isaake; wunba k sara saa malɔ; binn po n na yuo na. ²² Yennu paak nan Abraham k gbenn yuo nba; k u yaat ŋaan nyikɔ. ²³ L daal manŋ k Abraham sak yennu mɔb k pot u bija Ismael punn; nan jab nba kul be u ŋaak ni na. Daaba nba k b malib u ŋaak ni na; nan binba k u daab na kul; u din pot b punnae. ²⁴ Abraham din mɔk bina piiyia nan ŋanyiae k pot u punn. ²⁵ K u bija Ismael mun din mɔk bina piik nan ŋantaa. ²⁶ B banlie kul din pot bi punna dayenn kɔae. ²⁷ Nan u daaba na ku din kpab pot b punae.