1 Abraham nan u ŋaapuo sarai din daa k mɔk bik nan yenɔkua wa; ŋaan sarai manŋ din mɔk daabpuok; k u tie Ijipt bik k u sann tie Agal. 2 Sarai din pak Abraham a; yennu nba k tulin bik na; doat nan n daabil Agal. L k gal wun mal bik k tulmi. K Ahraham sak Sarai maan. 3 K Sarai din jii u daabil manŋ k tul u sɔlɔa Abraham k u kɔɔɔnɔ. Abraham nba din baal Kennan lbina piik ninŋe k linba na din tun. 4 Abraham nba duol nan Agal yuo nba, k u suol puol Agal nba bann nan u mɔk puol na, k u ji dont u mɔnŋ; ŋaan sian u daanɔ Sarai; 5 ŋanne k sarai yet Abraham a; fine baal nan biit nba k n dil fala na. Mine jii n daabit nba k tien a nuu ni; k mɔtana; waa bann nan u mɔk puol na; k u ji baan. Yennu e saabu min nan fin buut. 6 K Abraham jiin a; A daabil be a nuu ni. Fii dukin bianŋnba, k a tumɔ nna. K sarai din dia Agal nan tonu dianu; k u tan cial yaat. 7 Yennu malaka din tan la Agal bunbun ni fual ni wa. Bunbunn na din kpia nan sɔnu nba saa digbann nba k b yil sul. 8 K malaka yet Agal a sarai daabil; a nyii lee? K saa lee? k Agal jiin a; N tiin yaatil n daanɔ sarai buole. 9 K malaka na yetɔ a wun ŋmat kun u daanɔ sarai buol, k saa sikn u mɔnŋ k tilɔ. 10 Malaka na bia din yetɔ; N saa tula yaabuona bonciann; k b tan kii mɔk kanni. 11 A ponŋ mɔk puol na k saa mal bonjak. A pulɔ Ismael k maan yennu gbat faa din piak k mɔk ninbuaauk bianŋ nba wa. 12 U binbenŋ sii tie nan bɔnŋ binbenŋ nae. ŋɔa nan niib kul sii tie datale; k u luon niib maan. K ŋɔa nan niib kan taan benu. 13 Agal din tul yennu nba pak nanɔ na sann nba tie; yennu nba laatin; k maan u din yet a N la yennu nba laatin. 14 ŋanne tien k b yi bunbunn manŋ sann a. Manfuol daanɔ yennu nba laatin na bunbun; k l be kade nan baled sunsuuk ni. 15 Agal din mal Abraham bonjak manŋ; k ŋɔa Abraham pul u saan Ismael. 16 Abraham din mɔk bina piinniin nan ŋanluobo k Agal mal Ismael.