1 L inba na puolpoe k yennu maan baal Abraham yelintu ni. Yennu manŋ din yetɔ a: Abraham daa tiin jaŋmaanii. N saa nyinna ninmonn ni, k bia tula piinii bonciann. 2 K Abraham din jiin a kaagbennu yennu a yaa tulin piin buolbe? N kpeta k bia k mɔk bik nba tan saa di n faali, Elieza wunba tie Damas nib na i kaa, 3 K Abraham bia yet a; gotl; a k tuln bik nba tie n mɔnŋ tiɔnŋ bik; k u tan saa di n faali. 4 ŋanne k yennu yetɔ a jɔɔ manŋ kaa saa di a faali; wunba tan sa di a faal sa nyi a tiɔnŋ gbanante nie. 5 K yennu manŋ din jiu k nyi nanɔ nayel; k yetɔ a wun got sanpaapo k kan ŋmaabila na; k laan u saa fit kanaa? ŋaan a yaabuona sii tie nnee. 6 Abraham din tien yennu yadae; k u yada manŋ paak k yennu jùu k u tie niŋanɔ u tuann. 7 K yennu din ŋamm pakɔ a mine tie yennu nba nyiana ul duo ni; salde tinŋ ni; maa n tan tula tinŋ nba na k lii tie a yal. 8 K abraham jiin a; n saa tien nlee k bann nan l set tie n yenti? 9 ŋanne k yennu yetɔ a wun baal nan naasal; nan buuk; nan pejak; b kul ii tmɔk bina ŋan taa taa; k pukin lanjelik nan ŋmann. 10 K Abraham jii bonkot manŋ; k bɔkit bɔkit b kul; k jii b bɔka na k bil tokin tokin lia; ŋan bon yuyukit na; u din k bɔkibi. 11 Juut din sik a bin di nant na; ŋaan k Abraham belib. 12 Yennu nba tan siik; k l bɔnt yuo nba k A braham dɔal gɔan; k bunbɔnciɔnŋ nan jaŋmanii baal u paak. 13 K yennu yetɔ a; bant nan a yaabuona tan sii tie saamme dingbangann ni. B tan sii tie dabaae; k b saa diab yanaa yanaa; bina kobii ŋanna. 14 ŋaan l puolpo n saa dat bnba diab manŋ tuba; k tinŋ na damm saa tulib yaak k bin nyi tinŋ ni nan mɔknt bonciann. 15 Fin Abraham ŋaln; a saa wei banciann k kpete wa; k tan kpo; k bin piia. 16 A yaabuona fuunu munna nie tan saa tunn k jen nna; k maan n daa kan biil Amol tieebi; b biit daa k janŋ nan k n dat tuba. 17 Yennu nba din tan baa yuo nba k l piin bɔnnu; k munyuuk nan mupienu baal k gal nant na sinsuuk ni. 18 L daal ninye k yennu din senn mɔsonn nan Abraham. U din yet a; N jik tinŋ na k tien a yaabuonae; laa nyii tjipt mɔkil paak; k saa tuu yuflat mɔkil. 19 Laa jii kenn tieb nan kenise tieb; nan kadmon tieb doi. 20 Nan heli tieb; nan Felesi tieb; nan Refaim tieb. 21 Amol tieb; Cana tieb; Gilgal tieb nan Jebus tieb kula tinŋ na sii be a nuu nie.