¹ K i ua jiin ki ŋamat nanin yenjiantu ŋasaakak nba tol sianinba po na ki nyun na gɔnt ki siik ŋasaakak diitu po, ki gaal siik malunŋ binbintil na diitu po. ² Ki jua na bia jiin ki gal na nin ŋasaakab na niigaŋ po taururo kuakil na ni, ki nyi nanin nanyel, ki lin manin tamuɔkuakil nba tol yendo po na ki kpenbik nna puub ki nyi, tonrmɔkuakil na niidiitu po. ³ Ki jua na jii u nyumbi kin dauk na, ki bikin sikin kpenu na, ki jiin yendo po. Ki li tie taakaabii kobi ŋaŋmu nan piin luab. Ki u betin a man tɔkin nyun na ni, ki nyun na dian n taapant. ⁴ ki u bia ŋamm bikin, ki kpennu na takaabi kobi ŋanŋmu nan piinluob ki nynn na pukin ki dian n duna. Ki u bia ŋamm bikin ki sikin kpenm na taakobi kobii ŋanŋmu nan piinlolii. Ki nyunn na dian n siak. ⁵ Ki u ŋamm bikin taakaabi kobii ŋaŋmu nan piinluob ki pukin, ki kpenu na ji suŋ ki n ki fit somm ki tɔkin li ni. Ki li mantik suŋ ki nilɔ kan fit puot. Sie ki u duk. ⁶ Ki jua yetin a nisaalik, dutil linba na kul fanu. Tɔn ki jua na jiin ki ŋmat nanin kpengbiɔŋ. ⁷ Maa baal leŋ yuo nba, ki n laa tiini bonciann be kpengbiant na kul po. ⁸ Ki u yetin a nyun pub, ki saa yendo po, ki siik yudain mɔkil baaukni, ki tuatil siik mɔk-kpienn ni. Ki li i pubil siik mɔkpienn na ni yuo nba . Li tu lebit Mɔk-kpienn yalin nyun nae, ki li ji tie nyunŋann. ⁹ Ki kpennu na i taŋi pubil saan sianinba kul. Bankob buolu kul nan janbuolu kul sii be leŋ. Ki kpennu saa te ki mɔk kpienn nan nyun ŋan. Ki li i biak i pubol saan sialimba kul, li saa tul manfuol. ¹⁰ laa saa nyi Engedi nyuontona buol ki saa baal En-eglain nyuntona buol, jansuolaa sii be mɔk gbenbil nan kpiŋ, ki saa denn bi janlaant a lin kuol. Ki janbuolu, bonciann sii be leŋ nan baa be sinsuuk ni mɔkgbenŋil na ni biaŋinba na. ¹¹ Ŋaan nyun nba be naagboa ni, nan biant ni, ki kook mɔkil na, li saa bial ki tie yaalin nyume. ¹² Ki li kpengbiant nan kul po sii mɔk tibuolu kul, ki li saa kpaat, ki tien jiet ki li tutuat kan mii suul, ki bi mun kan mii nyik luonna lommii. Ki sii mɔk luanpaana ŋmaalik kul, kimaan nyun nba puub ni nyi jiantu ŋasaakak ni nae sii maantil. Ki tiini na luanna sii tie jiet, ki li ti tuut sii tie niib na lafiaa. ¹³ Ki yabint yennu ŋamm yet a tiŋ na teliee na. Kii saa bokit k tul Islaael buolu piik nan ŋanlee na, ki te Josef buolu n gaal bɔka ŋanle. ¹⁴ N doŋ sat mɔb ki tul i yeejamm nan n saa tulib tiŋ na li paak i bɔkitil man.I tanŋmiɔŋ ni diedie ki sua yal daa yaab lieli. ¹⁵ Niigaŋ po kpaat na nyi sinsuuk ni mɔkgbenil nani, ki saa yendo po; k saa baal Hetlonn duo nan Hamaf luann, k saan tuu sedad duo, ki gaal baal Heflonn duo na nan Hamaf luannu, ki saa tuu sedad duo na. ¹⁶ Ki gaal baal Belota nan sibaim doi ki gaal baat tikonn duo ki likpia Hauran yet kpaal paale. ¹⁷ Tɔn niigaŋ po kpaal na nyi sunsukini mɔkgbeŋil na buol. k saa yendo po, ki tel nan Dams ku nba be niidiitu po nan Hamaf nba be niigaŋ po na. ¹⁸ Ki yendo po kpaal na nyi damsko nan Haalon yent na sunsuuk ni, ki saa niidiitu po, ki juldann mɔkil tie kpaal, ki Islaael tiŋ be li yenbapo, ki Gilead tiŋ be li yendo po, ki saan tuu tamal duo nba kpia mɔk-kpienn na. ¹⁹ Ki niidiitu po kpaal na nyi tamal ki gaal saa yenba po, ki siik kades melib nyuntona buol. Ki gaal saa Eyiipt nba kuok niidiitu po, ki saan tuu sinsuuk ni mɔk-gbenŋil na. ²⁰ Yenba po kpaal na tul nan sinsuuk ni mɔk gbenŋil nae, ki gal duo niŋaŋ po, ki saan tuu Hamaf luannu yendo po. ²¹ Bɔkitil tinŋ na ki tul Islaael tieb na. ²² li sii tie i faale yuo nba kaa paak ki buol gannu nba kua nani. Ki maat waat i buol na, ii taŋi bɔkit tiŋ na yuo nba, yin tulib tol. I diab nan be tie Islaael tiebe na. Ki te ŋamme nan islaael buolu na tuu lakin bil suka tiŋ na centu paak. ²³ Ki buolgannu nilɔ tuu saa gaal u tol, ki li nyi Islaal buolu nba ki u kua nanɔ na yal ni. Min yabint yennu pak na.