¹ Buolu kul sanaae na: la nyii niigany po kpaal na; k nyii sunsuuk ni mɔkgbenŋil na po; k jiin yendo po; k saan tuu Heltan k gal saan hmat; k bia saa tuu Enonn duo; k saa tuu Damas nan Hamat na sunsuu k ni ; k buolu kul tuu saa gaal tinŋ na bɔk yenn; k tinŋ na saa piin k nyi yendo po kpaal k saan yenbaa po ; k saan sunsuuk ni mɔkgbenŋil na po baa sii be k waa lieb paak bianŋ nbae na. ² Dan kpaal paak yendo po k saan tuu yenbaa p, Asel; buolu sii be . ³ Laa nyi Asel yendo po k saa tuu yenbaa po; Neftali buolu sii ka lenŋ. ⁴ Laa mun nyii Neftali yendo po k saa tuu yenbaa po tie Manasse buolu, ⁵ Laa nyii Manasse buolu kpaal yendo po k saa tuu yenba po K Eflaim buolu kal lenŋ. ⁶ Laa nyii Eflaim kpal yendo po k saa tuu yonbaa po k Ruben buolu kal lenŋ. ⁷ Laa nyi Ruben buolu kpaal yendo po k saa tuu yenbaa po , k Suda buolu kal lenŋ,. ⁸ k laa mun nyii Suda yendo po k saa tuu yenbaa po, sii tie tinŋ nba k nyinn yalmu maal tutaa piinlie nan ŋanŋmuu k fɔkjnt tie nan linba be yendo po, k saa tuu yenbaa po na yenn fɔkint te nae, k yenjiantu ŋaasakak sii be ii sunsuuk ni. ⁹ Tinŋ k ii saa nyin k tul Yennu si mɔk mal tutaa piinlie nan ŋanŋmuu e fɔkint k yalmu tie tutaa piik. ¹⁰ L bia mun sii tie manntua na yale l kaasi tinŋ, k maal tutaa piinlie nan ŋanŋmuu ganŋ po , yenbaa po tie tutaa piik , k sunsuuk ni fɔkint tie maal tutaa piinlie nan ŋanŋmuu ; k yenjiantu ŋaasakak si be sunsuuk ni . ¹¹ L yial sii tie manntieb nba k b kaanm na yale; Tsadik bonjai nba tuun n yenjiantu ŋaasakak ninŋ k k yet yuo nba k Islael tieb daan bot n sɔnu ni , nan Lefit nba din bot bianŋinba na. ¹² L paak k b sii gaal bɔkl nba be l kuukua k kpia nan Lefit nba yal, lenŋ e sii mantik tie kassi k gal k gal l kul po. ¹³ K Lefit nba mun saa gaal b yial l kunkua; l sii be maantieb yal na niditu po, l fɔkint mun bia sii tie maal tutaa pininlie nan ŋanŋmuu e, k l yalmu tie tutaa piik. ¹⁴ B kan fit boi sial po kuo k gaal sial , k b kan fit gaal tut sua; k maan tinŋ na mantik tie kassi k tul ayaennu wa. ¹⁵ Yial nba ten k yalmu tie tutaa ŋanŋmuu, k l fɔkint ite tutaa pinlie nan ŋanŋmuu na . Sii tie duo na niib yale, b saa fit k l ni kpaal k bonkobit , k duo na sii be l sunsuuk ni. ¹⁶ L duo yalmuu, sii n nae: Nigani po si tie tutaa piinnaa nann kobii-ŋanŋmu; k yendo po tie tutaa piinna nan kobii-ŋanmuu , k yenba po mun bia tie tutaa piinna nan kobii-ŋanŋmuu ¹⁷ K yial saa tenn k lint duo na , k tie mal kobii ŋanlie nan pinŋmuu nigani po , k sunsuuk ni tie kobii ŋanlie nan piinŋmuu , k yendo po tie kobii ŋanlie nan piinŋmuu, k yenbaa po tie kobii ŋanlie. ¹⁸ B maa duo na kassi yial na ni nidiitu po, niib nba be yial na ni sii ko yial nba tenn na ni , fɔkint tintann paak k jiin nyonbo po si tie maal ŋanna k yalin maal ŋanlie. ¹⁹ L tinŋ , Islael buolu kul sii kua k ltie duo na yal. ²⁰ Tinŋ nba kul k b saa nyinn sii tie tutaaa piinlie nan ŋanŋmuu l fɔkint, k l yalmu si tie tutaa piinli nan ŋanŋmuu; k bia bɔkl yial biak taa fuunu munna k li tie duo na yal; ²¹ Tinŋ nba bial , k be yial nba k jiantu ŋaasakak be na nan manntieb tinŋ na, nan Lefit nba tinŋ na, nan duo na , l yendo po nan yenbaa po tie Islael tinŋ tieb diala yale. K l saan nyi yendo po k saa tuu kpaal na ; k bia saa tuu yenbaa po, k saa tuu sunsuuk ni mɔkgbenŋil na. K nigani po kpaal tie Suda yial, k nidiitu po kpaal mun tie Bensamen yial . ²² Linba sii tie tuann daanɔ yial sii be la nyii Lefit nba tinŋ paak ; k tan tuu duo na yial paak, ŋanne sii be Suda tinŋ nan Bensamen tinŋ sunsuuk ni k tie tuann daanɔ yial. ²³ Buolu nba be k pukin i na : la nyii yendo po Benssmen buolu. ²⁴ K la nyi Bensamin tnŋ kpaal paak , yendo po k saa tuu yenba po k Simeon buolu kal; ²⁵ la nyi Simeon buolu tinŋ paak , l yendo po k saa tuu yenbaa po , k Islael buolu kal . ²⁶ La nyi Islael tieb tinŋ paak, l yendo po nan yenbaa po, Zabulon buolu kal. ²⁷ La nyii Zabulon tinŋ paak , l yendo po nan l yenbaa po, k Gad, buolu kal. ²⁸ La nyii Gad buolu tinŋ paak , l nidiitu po kpaal nyi Tamal k jil l mun yaa nidiitu po k tu saa tuu Kade, nyun tona buol , k jiin niganŋ po; k kua Ejipt kpaal k saa tuu sunsuuk ni mɔkgbenŋil na. ²⁹ Yabint daanɔ Yennu ŋanm yet a: Bianŋinba k n saa bit tinŋ na bɔkl bɔkl k tul Islael tieb buolu e na k li tie b faal. ³⁰ Buolu na e be duo na ninŋ : Yendo po yaakl na tie maal tutaa ŋanna nan kobii ŋanŋmuu. ³¹ Islael buolu kul sann nan u tanmɔ kuakil; tan moi ŋantaa be nidiitu po; k yenn tie Ruben buolu tanmɔb, k liel tie Suda buolu tanmɔb, k liel tie Lefi buolu tanmɔb. ³² K yendo po yakl na tie maal tutaa piinan na kobii ŋanŋmuu, k tan moi ŋantaa be l po: Sef buolu tanmɔb , nan Bensamin buolu tnmɔb , nan Dan buolu tanmɔbK. ³³ K nidiitu po mɔk maal tutaa ŋanna nan kobii ŋanŋmuu, k tanmɔi ŋanta be l po: Simeon buolu tanmɔb, Islael buolu tanmɔb nan Zabulon buolu tanmɔb. ³⁴ La jii l yenbaa po mɔk maal tutaa ŋanna nan kobii ŋanŋmuu, k tanmɔi ŋantaa be l yakl: Gad buolu tanmɔb nan Asel buolu tanmɔb nan Neftali buolu tanmɔb. ³⁵ K duo na juona ŋanna na kul fɔkint tie maal tuuta piik. K laa nyii daal manŋ, k b pul duo sann a Yennu be nante.