¹ Kaagbennu yet a: dindonŋ gann, puolpo sü luoe daa ŋanlob nbo tie tuonn daal, na; fuon daal, k poukin ŋmaapaanŋ dasinsinn daal k l saa luot. ² Bat bija saa tɔkin naakuuk tanmob po nanyel po e k kua ki sie ki biak tanmɔ dauk mantieb saa mann u malunŋ k tulua, u saa gbaan dun k tibin tanmɔb buol, ŋaan nyi k tanmɔb si yaa nan daajuok. ³ Duo nüb saa gbaan kaagbennu tuann tanmɔb manŋ buol fuon daal nan ŋmaapaanŋ daal. ⁴ Fuon daal bat bija saa baal nan pegana banluob, nan peja, bin nba k mɔk bi siat k tul yennu. ⁵ U baal u sii dia jiet bolk gbinn pejak paak, ŋaantul waa la bianŋ nba pegana na paak nan kpan litl. ⁶ Ŋmapaanŋ daal u saa pi yennu naajatonn nba k mɔk büt, pegana banluob nan pejak, bin nba k mɔk biit. ⁷ K u piinii sii tie bɔlk gbinn naajak, bɔlk gbin peja paak nan waa luon linba peja panaa na pak k pukin kpan liitl. ⁸ Bat bija i yaa wun kua, u saa tɔkin naakuuk tanmɔb poe, k bia saa mŋat tɔkin l sɔnuu e k nyi. ⁹ Duo niib nba saa baal yennu buol, a bin jiant'ɔ, wun nba saa kua dütuu po tanmɔb saa ŋmat nyi tanmɔganŋe k wun nba saa kua ganŋ po saa ŋmat nyi dutuu e. Faa kua tanmɔb nba a j kan ŋmat nyi l tanmɔb. ¹⁰ Bat bija saa bi ni ba saa ŋni yuo nba, k nyi baasaa kua yuo nba. ¹¹ Janan daal u piinii sü tic bɔlk gbinn e naajak paak, bɔlk-gbinn Pejak paak, ŋaan waa luon lin nbaa sii tie peganaa na paak nan kpan litl. ¹² Lii tie k bat bija tul kaagbennu waa luon linb, koo k mann malunŋ waa luon bianŋ nba k tulua, b saa luot tanmɔb nba be yendopo k wun tien malunŋ k tul yennu niipuok nan waa saa tien bianŋ nba fuon daal; k u nyii bn luon gann. ¹³ A sii mann malunŋ k tien yennu daal kul nan pegann nba mɔk bin yenn k k mɔk büt. A sii tien'ɔ saanyiɔk kul. ¹⁴ Malunŋ paak, a tuu saa pukin saanyiɔk kul bɔlk gbinn bɔktuu munluob niŋ yenn, nan kpan litl bɔktuu nuntaaning yenn k buun yon yennu piini e na, yiko nba be yuo kul. ¹⁵ Saanyiɔk kul t sü tien yennu pegann, nan kpan yuo kul. ¹⁶ Yennu yet a; bat bija i tul u waas ninŋ yennɔ sial kl nyi u faal ni, l piini sii tie u waas yel'e l bont sü tie b faal'e. ¹⁷ Ŋaan jii u faal ni bont k piu tuontunnɔ l piint sii tie u yal e nan binn nba k ta saa nyin'ɔ; k l saa ŋmat bat bija buol e u waas yal sii tie lin nba nyii u faal nie. ¹⁸ Bat bija kan jii sial k l tie duo niib fal, u kan jii sial k l tie duo niib ya, waa saa jii lin nba k tul waas sii tie u yal e n na e k n biib ni na yenua kua waa kan nyi u yal ni. ¹⁹ U jün kua na ni diet nba tie mantieb yal, nüdiitu po, k sial buol be nuak ni k be yendopo. ²⁰ U yet'n a: na e tie sian nba k mantieb pul bonkobit nant nba k b mann na lunŋ a bin la yennu fielu, k ji la te k b kua muuni. ²¹ U jii kua na nin diok nuak ni, klin na nin lɔti ŋanna kul k lɔtü na kal lin mɔk l yial e. ²² Lɔti ŋanna na kul lin mɔk yiale e l yabint tie: fɔkint taa banaa pinna, yalmu taabana pintaa, k l lɔtii kul lie yonm. ²³ K b lin maa juonn k lint l kul, k daanii juaonaa manŋ nyakaa ni. ²⁴ Nisaalik pakn: yianii nan bin nba tuun yennu ŋasaakak ni ŋanm i yak bonkobit nant nba k duo niib mann malunŋ.