¹ Yuo nba k ii ya yin biil i duo faal, yin nyin yennu yal, k pu piinii, k l fɔkint sii tie maal tutaa piinle nan ŋanŋmu k yalimu tie maal tutaa piik; k l sii tie kasii buol l kul po. ² K tinŋ na ni yial sii be k tie yenjiantu ŋasaakak yial; k l sii maal kobii ŋanŋmu fɔkint nan yalmu kul po. k nyik maal piinŋmuk lintil. ³ L maal tutaa piinle nan ŋanŋmu fɔkint k yalmu tutaa piik ninŋe k a saa bikin yenjiant buol nba tie kasi yaa kasii buol na. ⁴ ŋanne sii tie duo na ninŋ kasii tinŋ. l sii tie manntieb nba mann malunŋ kasii yaa kasii buol, nan lieb yale; binba fit nakii yennu k mann malunŋ na; lenŋe sii tie b ŋaak. k l sii mantik tie kasii buol k gal k gal duo na kul po. ⁵ L tinŋ saa taan k tie Lefit nba tinŋe; ŋanm nbaŋaak na tuontunna na; nan diet piinlee . ⁶ Man laa duo faal na; yin bɔkit l jalmu ŋanŋmu; k lii yiek nan ; kasii tinŋ na; k li tie Islael tieb kul yal. ⁷ K i saa nyinm tinŋ k lii tie tuann daanɔ na yal, k l yial n nyi l bɔkaa ŋanle kul po ; k nyi kasii yial na yenbaa po; k nyi kasii jual na yendopo ; k saan tun digbana na yendopa kpaak ; k l yial fɔkint ii tie yonm nan linba k ii biit k tul Islael buolu nba na yenn na. ⁸ K l sii tie tinŋ nba tie tol; k tinŋ dialɔ sii yenn k l saa te k u ji kan daa mii niib na; ŋaan te tinŋ nba bial na kul ii tie Islael tieb yal. ⁹ Yabint yennu yet a: yinm Islael tinŋ diala; i tun biit k matik wei bonciann. nyikin i tonu nan yaa mab niib bianŋ nba na. ti tun linba ŋan nan linba tuok i ji daa ban biel k nyint n niib b tinŋ ni . min yabin yennue piaki linba na. ¹⁰ L ŋan k sua kul i mɔk bonbikin kal nba tuok; k ii bikii bona. ¹¹ Bonkuont bonbinkal nba k b yil Efa na; l bikinu ii tie yonm nan bonnyun bonbikinkal nba k b yil Baf na. l bona piik sii tie nan bonbikinkal nba k b yil Homel na. ¹² Bona kpau nba tie na; gela piinle; tie sekel yenn kuae; k sekel piinluob; tie minn yenn kua. ¹³ Yaa sii tie yennu linba; sii Efa bɔktu tal munluob ni yenn; k wunba kul ŋmant jua; saa baal nanm. ¹⁴ B bia tuo saa baal nan olif tiinii kpan; k fin nbamɔk kpan bat; saa bɔkt taal fuunu munle; k ŋann nan Homel nba tie bat nba piik na sii janme. k maan bat nan Homel jame. ¹⁵ K ii bia tuo saa nyin pieok yenɔ kua pei kobii ŋanle ni k tul yennu piinii k bia bal nan mu juonu malunŋ yua nan palpienn piinii k lii tie malunŋ nba k yennu saa nyik u niib biit k cabib min yennu pak na. ¹⁶ Niib na kul bo saa nyinn l piiniie k tul Islael tuann daanɔ. ¹⁷ Tuann daanɔ tie wun mann mujuonu; nan piinii nan jaanm nba kul piinii nba sii tie Islael tieb yale; u saa bia mann mujuonu malunŋ nan palpienn malunŋ; nan biit piinu malunŋ ; k lin piin Islael tieb biit. ¹⁸ K yabint yennu bia ŋanm pak a: ŋmasinsinn da sinsin daal; yin tuo jii najak nba k mɔk danŋ k mann malunŋ k lin ŋanm yenjiantu ŋasaakak. ¹⁹ K manntua na saa jii najak manŋ sɔn; k tien dacaata nba be yenjiantu ŋasaakak ni; l lɔtii ŋanna kul ; k lint binbintl na; nan daat nba be tammɔ kpianu yanŋil buol na. ²⁰ A bia saa tie nnae; ŋmalik daa ŋanlole daal; k tul binba k mi ŋaan tun biit na; k lin ŋanm yenjiantu ŋasaakak na. ²¹ ŋma sinsinn daa ŋanna daal; sii tie pak jaanm, k l jaanm sa tien daa ŋanlole; k ii tuo sii ŋman panu nba kaa daatinŋ nae. ²² K tuann daanɔ na saa ji najak; k mann malynŋ k tul yennu; u mɔnŋ nan duo na niib kul paak; k lin piin b biit. ²³ K l jaanm daa ŋanlole ninŋ; k u tuo saa jii maajai banlole; nan pejai banlole nba kaa danŋ mann mujuonu malunŋ k tul yennu daal kul u tuo saa kpi bonkob yuonŋo; nan bujak daal kul k lie tie b biit paak. ²⁴ Naajak nan pejak nba k u tuo saa kpiu daal kul ni na; wun bia tuo tul jiet efa (bolgnine) k pukin najak nan pejak kul paak nan olif tiinii kpan efa.(galunŋ) ²⁵ K janm nba sii be ŋmaalii ŋanlole daa piik nan ŋanŋmu daal na; u bia tuo saa mann l malunŋ buolue; k janŋ daa ŋanlole k lii tie b biit paak. nan malunŋ nba jokit muu bonkob munn; nan malunŋ nba tie jiet piinii nan olif tiinii kpan piinii na nan jukit gal tialu yuo na.