¹ Bina piik nan ŋanle ninŋ, ŋmaalii piik nan ŋanle daal, yennu yetin u mobona a: ² Niilɔ bik, yinn yanŋ nba sa si tie sua k yaal k egipt kpaanbal ! Yet tuɔ a: a si naan nan yanbuol bik nee dii gbanlia sunsuk nii, a daan tie nan bantɔnŋ ne mɔkaanii, a daan pukiie kpeni ni, k gbut nyun nan a taa, k tie nan yiiko. ³ T yomdaanɔ yennu yaa nan: n si guu a mbuol k a baal nan niil bul cianŋ nan janlaanŋ, k n saa gbuo nan saa baal nan tinŋ na kul paak bonkobiit. ⁴ N saa nyiika tinŋ ni, ŋan luu kpaant kul paak n saa t k nuanii kul ii laat fuonŋ a paak, k n saa t k tinŋ na paak kul bonkobiit gbuo. ⁵ N saa t k jual lin gbie nan bannin, k buoti t mun nin gbie a peii. ⁶ Duo nba k a si wuul n saa maanil sɔn, ka kaa nan jua, k jiet sii be nan na. ⁷ K mi dial, n saa yukl k do sampaak, k dɔkin ŋmaal biila, sampagbanna, yennu, ŋmaaliik, ji kan tul u yentuu. ⁸ K a kukuɔ paak n saa t k sampaapo yentu kul n bonn, k n saa t a duo kul n bonn. ⁹ N saa jek digbannaa boncian yan, liinba tie a baak diigbana kul nii, nan nba kul k miia yuo manŋ. ¹⁰ A kukua paakn saa kuan diigbana boncian jaŋmaani, k b kpanbaal l saa suolɔ yaalutuuk a kukuɔa paak, k mii nyiin n jatiɔak yuonb b nunpo, daansua kul sii jekle u manfuol paak biit manŋ daal. ¹¹ K maan yomdaanuɔ, yennu piak: Babylone kpanbal jatuɔ saa juont a paake. ¹² N saa siikin a paalu na nan japaalie, binba kul tiie nii biatii do kul nin, k saa siikin egipte wantin mun kul tinŋ ni, k u paalu kul saa tien yann. ¹³ N saa buot u bonkobiit nyun ni, k niiluɔ, taal kan ŋmat bii, k b ta woka kan ŋmaat b. ¹⁴ Tɔnk k n saa t k l nyunm tie suon, k n saa t k kpenii bubl nan kpana, nan t yuomdaanuɔ yennu na. ¹⁵ Mii nyiin egipt duo u kuɔa, k waa mɔk linba a kul yaa lin nyiint, k n yan mabiin binba kul be duo manŋ ni, b saa bann nan n tie yennu. ¹⁶ Lenŋe jii tie fabnii, k b saa yetua; duo bonpoi sa pak fabnii manŋ po. B saa yet k jiin Egipt po nan u muuk cianŋ po, t yemdaanɔ yennu po. ¹⁷ Biina piik nan ŋanle ni, ŋmaalik daal piik nan ŋan mun daal, k yennu paakin u mobona a: ¹⁸ Niisaalik bija, fabin k jiin Egipt mu suuk po k tien niil yian, b tie diigbannba mɔk panŋ boncian bonpoii e, tinŋ sumiuni, nan binba siikbuotuk ni ! ¹⁹ A gal nan ŋme nan fantii ? Siink, duɔat nan nba k puot b puuna na ! ²⁰ B saa ba nba k b kpiib nan jakontiat na sunsuk nie, b tuul juk banjiak, Egipt niib yanbt kul n tumii. ²¹ Kpanbal gbenŋaa tan saa tuluɔa laabal kpiem yietu daal, naan binba din tie u puolpo kuo u somtieb na. B siik, k duɔal, k kpii nan jakontiat. ²² Lenŋ tie Assyrie nan u yabint kul, k u kpiem kpabaa kul kan k lintuɔa, B kul din kpo kunkonn nie. ²³ K l kpabaa manŋ din saa be buotutinŋ poe, k kpabaa manŋ tinŋ kul paak binba daa mɔk laa fia na kul po. ²⁴ Lenŋ tie Elame, nan u yanbint kul, l kul po tie u kpiem nin nat; B kul kpowa, b kpo nan kunkonjatiate, b piib nan punjuotee, b kaat ni, ŋam nba yaat wutuol manŋ niib nba daa fuo na po, k b jii din feii k jiin nba k din jii siik tiib buot nani. ²⁵ K din biil u yial kpiem na buol nan u niib yaabt nan u niib ninnant kak lintua, k u niib din k duo na kul pak. K b jii din mɔk l fei k jiin nba jii din siik l buot nii. B jii din pukiim kpiem na niie. ²⁶ Meschec nba din be lenŋe, Tubal, nan b yaabint kul, nan b bonninante l kul po, binba din k pot na kul din kpo nan jukbanjiake. K manŋ b din kuant feii nba din bial duo ni po. ²⁷ B din k taanm nan kpaanbalaa na, binba din baa binba din k pot na po, b din siik nan b jakon tiat kpiem fiulu daal, k din paan b jaakontiat b yuulaa paak, k b bii jii tie b kpaba ne, k manŋ b jii din tie fie k tul kpanbalaa daa be b manfuol ni na. ²⁸ Fiin monŋ, a saa kɔn punjuot sunsuk ni; A saa duɔal nan binba k b kpiib nan jukbanjiie ne. ²⁹ Sodom din be lenŋ, u kpanbalaa, nan b waas nan b panŋ jukbanjaii nee, b taan dua nan binba k pot punna ne, nan binba siik buot na ni. ³⁰ Ganŋ po din nan kpanbalaa waas, nan sidoniens ba kul, nba din siik kpiem buol, k ŋmat k maan fei paak din jiin b paalupo. B niiba din k pot punnaa din taan duo nan kpieme nba k b din kpiib ne, k b jii din dii l fei nan binba din mun siik l buot nii na. ³¹ Egipt kpanbaal saa lab, k saa paa b palaa nan b yablu po, b buolu nba kpo jubanjaii kuun, nan u suojeme kul, k t yemdaanɔ tennu yet. ³² K Maan n yaat n wutuol duo manŋ kul po binba fo kul paak, k b saa dual binba k pot punana sunsuk ni, nan binba kpo jukbanjaii kuun, juu kpanbal nan u puolpo weitieb.