1 L binnaa ŋantaa ninŋ, ŋmaalii ŋantaa, dacincinn daal, k kangbennuk pakin k yet a: 2 Nifosaalik bija, yetil Esibit, kpanbal Faalaonɔ, nan u niib na kul a: A want a mɔnŋ k a jan nan ŋmee? 3 Gotl, Asiili din tie liiban kpeke, k u mintaa fan bonciaonn, ku faat luu binm, k u mint bit na gbenŋ, k bia fɔk sanpa-a po. 4 Nyun mi din te k u kpaatl yian-yian, k tinŋ na meiu te kpaatl do sanpaapo, bunnii din gaal lenŋaa, k bunnii manŋ nyun maant tieniib nba kul din be I lial ni na. 5 L paak ki din te k u miin taa kpaat, k fɔk gal tiinii nba kul kpia lenŋ nakul. 6 Sanpaapo bon yuyuk kul din luub tiaat k ŋnaan leŋe, k muok ni bonkobit kul maal b waat u tintubilaa na ninŋ, k nibuolu kul kaal u maatu. 7 U yabint, nan u mintii yabint na dinte ku fan bonciann, k maan u jiinna kul din be nyun'ninŋe k meii yoo kul. 8 Yennu gɔkluk ninŋ kpekii din k fit galɔ, tiinii nba k b yi (iiples) na, kan fit janŋ nan u mintaa, k wunba k b yi (plataann) na, nan u tintubit k fit k janŋ; yennu gɔkluk ni tiik din k be k b saa jii janŋ nan i kpek fant. 9 N din jii u mintaa nba yab nae, k te ku fan, k tiinnii nba kul be, yennu gokluk ni na ji nan mɔ u fant na paak. 10 L paak i tien, k kangbennuk, yennu yet a: waa din la ku mintaa fɔk k do sanpaapo na paak, nan wa la ku mintaa yab k bia gbenŋ na paak, k u pal ji man nan waa fɔk na, l paak, 11 k n blɔ, k jii u k tiennɔ buolu nba paal nan kunkɔnn nuu ninŋ, k u dat u tubil, k tan janŋ nan u tonnuu nba jan, 12 K nisaanm, nan buolu nba ŋam mɔk tonnu k biaat, k b cuau k luu tin ŋni, ku mintaa na kul kɔnn baabaa juaat paak, nan nan i baat ninŋ. K u tintubit na kɔnnkɔnn k yat baabaa duo na lɔtii nii k duo kul niib nba tu kaal u maatu na ciaal nyii, naan nyikɔ. 13 K bonyuyukt n ba be sanpaapo na kul, ji baat jakit u dajin kpiennaa na paak, k muok ni bonkobit na mun ji buunt u tintu-kuonnaa na ni, 14 K lin fit t k tiinii nba be k kpiana nyun na, njii daa te ku mintaa fɔkitl, k tisiaak ji da kpaatl nan wua na, bii lekii maantɔ nyu yoo kul naan wun daa kpaatl k do sanpaapo, nan liiban kpek manŋ na. L paak tiik kul saa kpoe, nan nifosaalk nba tuu kpo k sik kpientinŋ bianŋinba na. 15 Kangbennuk, yomdaanɔ, yet: daal nba k tiik na saa kpo k sik kpientinŋ na, I daale k n saa te k buunii kul nyun n fual, kuol; kumɔnnii n yat nan duo kul po kii fabin. 16 Mii tanŋi te k u sik kpientinŋ daal nba, u baak manŋ, fuol saa jek tin gbonŋ niib kul gbannu. K yennu gɔkluk Edem tiinii kul, nan Liban tiŋannii kul nba kul k b tu maantib nyun na, I saa manŋib, nan tiik manŋ baanu paak. 17 K b kul n tɔk saan kpientinŋ, k tan pukin binba daan danŋ liet saan kpian tinŋ na ni, k binba daan danŋ kiet saan kpien-tinŋ na ni, k binba kul daan tu kaal tiik manŋ maatu na, ji sa yat k saan tingbonŋ kul po. 18 K kangbennuk, yennu yet : faalao nan u niib na kula: A tie ŋmee k sii naan nan tiinii nba be Edem, nan a yu dant kul, nan a panŋ kulii? A kpan saa sik kpintinŋ ninŋe, danm na sinsiik ni, nan binba kpo tɔb ninŋ na buol.