¹ Kaagbennu din yet'n a: ² Nisaalk bija, sɔkn n maan k yet a: yonmdaanɔ kaagbennu nba yet lin nba e na: I i kuli man, daabiil be. ³ K maan dal manŋ pel na. Kaagbennu daal naki, i sii tie bunbɔciaɔnŋ daal e:l yuo sii tie digana yuo e. ⁴ B saa Ejipt tab, k jaŋmaani n suol Etiopi duo, yuo nba k b sü kpi Ejipt duo ni niib na, nan yuo nba k b saa fat duo manŋ mɔktuk, k fukt duo manŋ fiaka na. ⁵ Etiopi duo, put duo, lud duo, nan Alaabi duo kul, nan kub duo, nan digbana nba kul man nan'm na waas b saa kpi'b nan jakbanjiak e. ⁶ Kaagbennu nba yet linnba e na; b saa kpi Ejipt tieb nan bin nba taa u po na, k b japaat nan b panŋ, n gbenn. Laa nyii Mikdol k saa tuu siann t yonmdaanɔ kaagbennu nu yet, a b saa kpi'b nan jukbanjiak. ⁷ B saa biil doi, doi nba b k biil na sunsuuk ninŋ, k l doi ni sial sii kaa. ⁸ K bin bann nan min e tie kaagbennu, maa saa juo Ejipt duo muu yuo nba, bin nba taa u po na saa yat e. ⁹ L daal ninŋ n saatun tuomünba, bin saan ŋalgbenŋa ni, k nmat Etiopi duo, k u daa mɔk panŋ k jaŋmaani sü be daal nba k b saa pikn Ejipt duo k maan mɔtaana, l bona baat. ¹⁰ T yonmdaanɔ kaagbennu nba yet lin ba e na n saa tie, k Ejipt niib nba yab bonciann na, n buot, N saa te baabilonn kpanbal Naabukodo na saal e, n buunt'b. ¹¹ Ŋua nan u niib, wun nba mankit tie kpikpituk nibuolu na ni, b saa tun'ɔ wun biil duo na b saa jii juk bonjai, k baal, k kpi niib sal Ejipt duo ni. ¹² N saa te k nnyun soni kul n kuol, n saa jii duo manŋ, k cab nitont. N saa te k saanm n biil duo na, nan waa mɔk lin nba, min kaagbennu e yet. ¹³ yonmdaanɔ kaagbennu nba yet lin nba e na. N saa biil pata nan tingbana, k nyinnfaak yenni nba be n f duo ni Ejipt duo ni, kpanbal waas ji sii kaa n saa kuan jaŋmaan ciaɔnŋ Ejipt duo ni. ¹⁴ N saa biil patlos duo, k juo Tsaan duo muu, N saa bu no duo buut. ¹⁵ n saa donn n wutociaɔnŋ siin duo nba tie Ejipt kann na paak, k bia buot no niib kul. ¹⁶ N saa juo Ejipt duo muu, k siin pal n biil. N saa luot no duo juona. Datai saa baal yensuuk ni e, k nyann nof duo. ¹⁷ B saa kpi on nan pi beset naasinm nan jukban jiak k ju l doi niib k saan enan'm digbanfɔna. ¹⁸ Tapnes, yennu saa bɔnn yuo nba, k n saa jint b naayɔk, k waa tuu mɔk panŋ nba k tie japat n gbenn. Sanpagounŋ saa sik dɔkn tapnes, k u bonpoi k saan nan'm digbanfɔnn. ¹⁹ N saa bu Ejipt duo niib buut k bin bann nan n tie kaagbennu. ²⁰ Bina piik nan ŋenn ni, sinsinn ŋmalk daa ŋanlole daal, k kaagbennu pakin k yaa: ²¹ Nisaalk bija, n kɔnn Ejipt kpanbal Faalaaɔn nuu waa ŋaan u k teb, k saa paak, b bia k fin, k lin fit tukn, k wun fit dia jukbanjiak. ²² L paak e, k yonmdaanɔ kaagbennu piak: n mɔk maan nan Ejipt kpanbal Faalaaɔn, n saa kɔnn u kpinkpint n saa kpi wun b kɔnn'ɔ, nan wun k l ma'ɔ. ²³ N saa yat Ejipt tieb doi kul po, nsaa yat'b doi bon ciann ni. ²⁴ N saa te k babiilonn i mɔk panŋ, min jii n jukban jia jiak k kubn'ɔ, n saa kɔnn Faalaaɔn kpinkpent, ku sii kuli nan baatb nba pel kuun na. ²⁵ N saa tul Baabiilonn paŋ, ŋaan k gbat Faalaaɔn kpinkpent ŋann b saa bann nan n tie kaagbennu, yuo nba k n saa jii n jukbanjiak k kubn Baabiilonn k wun pikn Ejipt duo na. ²⁶ N saa yat Ejipt tieb doi kul ni, n saa yat'b doi bonciann ni, bin bann nan min e tie kaagbennu.