¹ Kaagbennu pakin nna: ² Nifosaalik bik a buolu waat na a: liisua k n baal nan juukbanjiak duo ninŋ, k l duo ninŋ bae mɔk tankunkumik , ³ Lii sua tankunkumik manŋ, faagbokluk k pak niib na; ⁴ Liisua nilɔ gbat gbakluk mɔniyaa ŋaan k k lebt k juuk nan kpiu, u sɔn saa muan u yulpaake. ⁵ K l maa u gbaat gbokluk mɔniyaa ŋaan k lebt, liisua kuu lebt, u saa tinne u naliŋe. ⁶ ŋaan liisua tankunkumɔ na, gbat juuk banjiak baalu ŋaan k k faa gbokluk, k wann niib na, k juuk na kpi nilɔ, u bit paak, n saa boi tankunkumik nae l danɔ sɔ po. ⁷ ŋaan fin nifosaalik bik n t kaa tie na tankunkumik nae Imael, a tuu saa ceŋ maan nba k n piakaa, k piak niib n paak. ⁸ Lii sua n pak tondanɔ a saa kpo! liisua a k yetɔ ku nyik sanjɔk biuk na, ŋan kuu kpo u bitin n saa boi fine u sɔn po. ⁹ ŋaan liisua kaa pakɔ ŋan ku jet k tɔk u sanjɔk biuk na k tan kpo u bit paak, ŋaan fin kan kpo. ^{10 11} ŋaan fin nifosaalik bik pakin Islael tieb a: ii yaa: t bit nan jɔkinte t tin b ybɔna ninŋ; t saa tie nle kii fuo? Yetilb: nan min yɔmdanɔ kaagbennu n fuo, n k luon tondanɔ kuukaa, ŋaan n luon wun lebte ki fuo. jeninmaan ii sanjɔk biuk na ninŋ, l tie nle kii kponnii Islael tieb. ¹² ŋaan fin nifossalik bik pak a buolu waat na: niŋannɔ ŋant k faalɔ u maabl daalii; k bit daanɔ k baa u bit paakii. k l tie nnae niŋannɔ sii fuoe u ŋant ninŋ u maabldaal. ¹³ Yuo nba kin yet nan nuŋannɔ sii fuoe, ŋan k u nyiik ŋant tien bit nba kuu tien na paak. ¹⁴ Liisua k n yet tɔdanɔ nan u saa kpo kuu nyiik tonnu, ŋaan tie ŋant. ¹⁵ Liisua kuu nyiik tonnu, ŋan cɔlinŋ manfuol senni na, k k tie bit u sii fuoe u kan kpo. ¹⁶ Bit nba kul kuu tien n saa tanm l poe u tie ŋant k tuak sanjɔk u sii fuoe. ¹⁷ A buolu waat yaa: yomdanɔ sanjɔk k ŋan b sanjɔko k ŋan. ¹⁸ Lii sua niiŋanɔ nyik ŋant ŋan tie bit u saa kpo l paake. ¹⁹ Lii sua niibiuk mun nyik bit ŋan tie ŋant u sii fuo l paake. ²⁰ Ii ŋaa: yomdanɔ sanjɔko k ŋan, n saa bui daan sua kul k tɔk u tuona ninŋ yim Islael tieb. ²¹ Daabis bina piik nan ŋanle ninŋ ŋmaali piik daa ŋmuu daal, sua nyii jerusalem k baal matin a: na duo na b gaalaa! ²² Kaagbennu nuu daan be n paak daajɔk k sua n bacial na daa k baal, k kaagbennu luot n mob, k n jin bo k tie muuk kaa. ²³ K kaagbennu pak nna: ²⁴ Nifuosaalik bik, binba b paana paak Islael duo ninŋ na yaa a: Abraham din tie u kunkuae k gaal duo; ŋan tim ŋan yaab k b tulit. ²⁵ L paak pakim a: nne yomdanɔ kaagbennu pak: ii sii di ii jiet nan sɔme, k dot paataa, k kpi niib, k b duo manŋ ninŋ. ²⁶ Ii duu ii juukbanjai paake, k tie bit, k dua nan lieb ŋan puob k b duo! ²⁷ Yetilb nne kaagbennu yomdanɔ pak: n fuo, binba b paana paak juuke saa kpib binba b kpaanti bonkobte saa dib, binba b tanfiatin yialie saa kpib. ²⁸ N saa gbenn, k Islael juat saa bit k sua kii gaal. ²⁹ B saa bann nan mine tie kaagbennu, k t duo na kpat fuol, k tɔk b bit paake. ³⁰ ŋaan fin nisalik bik, a buolu waat b sii b nanan ŋei ni, b sii piak b lieb a bantin maan, gbint maan nba kaagbennu piak! ³¹ K b saa baal a buol k yab, k n buolu saa kaal a buol, k gbint a maan, ŋan k k tuu nann tuon, k l maa b tie binba laa niibe, b paalaa gbei nan nanŋ. ³² A tie yanyinɔe b buol, k mɔk kunkɔl mann. b gbintl maan ŋan k k dia . ³³ Lii sua l bona baal, b saa bann nan b dan mɔk masɔkni b ninŋ.