¹ Bina piik nan yenn ; ŋmaalik daa sisinn daal; k Yennu paak maan nan k tulin k yet'a: ² Nisaalik bija, k maan Til laa k kpanme jiin Selusalenm biilu po: Duo na but buta, b mɔkint na ji saa kpant t yal e. Duo na ji tie langbente. ³ Linba na paak e k Yonmdanɔ Yennu paak nan a a: Mɔtana fin Til, ji tie n dataak e, n saa te digbanna bonciann n kɔn nana, nan mɔkil nyunpana nba tuo luat dikpina bianŋinba na . ⁴ B saa biil Til dikpina k bet u di tuati na, k saa kual l tante k nyik tanpiuk . ⁵ K l buol ji sii tie sianmba, k jansuola ji sii lat b janlante , k maan min Yennu e paak na , k digbanna na saa fat yinm tTil tieb mɔkint. ⁶ K jii b juk banjai k kpi ii niib nba be digbanna nba kpie na , k yinm Til tieb n bann nan mine tie Yennu. ⁷ K maan yonmdanɔ Yennu paak a: N saa te kpanbaal n gaal kpanbaala kul , n k tie babilon kpanbaal Nabukansal na wun baal k tan lek Til. B saa bal nan b taani nan tantolt nan tanjakila, nan nibulcionŋo k lek a. ⁸ B saa jii juk banjaie k kpi a niib a tinŋ paak. K datai na saa kpiil buotit e, k dia maa dindena k denn juona , k bia dia nagban kɔnŋa k l guub. ⁹ B saa baal nan kut jae; k tuol u dikpina, k bit k tut lunbin a di tuatit na nan be lankpena. ¹⁰ K b taanii nba yab na saa kpit tangbulunŋ k luona. B tantolit nan li kɔba; nan tanjakila fuul saa bet a dikpina; yuo nba k b kua b duo tanmɔb nii na, k duo na kpant langbent na. ¹¹ B saa lin tɔkin ii duo na sɔnii kul nan taanii k kpii niib nan juk banjai; k tut a di tuatit na kul k lu tinŋ ni. ¹² B saa jii a mɔkint kul ; k bet a juona nan ŋei nba ŋaan na kul; k jii le tana nan daat kul k saan lu mɔkil ni sinsuuk ni . ¹³ N saa te k a ŋmin a yani fuut na, k suo ji kan ban gbat a biok mɔnii. ¹⁴ N saa pial a duo nan tangbina kul, k nyik tanpiuk k lenŋ sii tie sianmba k jansuola sii lan b janlant k a duo ji kan mi seti ? Min tonmdanɔ Yennu e paak na. ¹⁵ Yabint Yennu paak maan nae , k tul Til tieb yuo nba k doi nba be mɔkl kpinŋ na saa gbaat ii duo biilu; nan niib nba kpenn na kukula nan wu yikin ni; k jaŋmani saa suolib. ¹⁶ K kpanbaala nba kul jua k kpia mɔkil na, saa siik b nan koki paak ; k liat b naan liant. K yit b naan foklii; k gb ana jijektit saa kuab , k b saa kal tinŋ ni . K b kan fit nyik k kan jekili. ¹⁷ K saa yin kun yanii a : Digbann nba kpia mɔkgbenŋil na n buont a . Lenŋ e ŋalint na dii nyuma. Digbann nba daan tuu mɔk panŋ nan yiiko mɔkgbenŋil nan u niib kula. K te jaŋmaani suol niib binba kpia mɔk kpiini na ku. ¹⁸ Mɔtana digban biit nba kpia nan mɔkil na jekil nan jaŋmaaniie. ¹⁹ Yabint Yennu paak yeta'a; N saa tien n duo na Fude; k duo manŋ ji kan ban k tien duok niib n kua lenŋi; n saa te k mɔk nyun n o piina k nant tanbiinii. ²⁰ N saa te k a wei k pukin binba donŋ sik kpientinŋ na po: binba k b din bonŋ kpiib na buol. N saa sikin a tinpoal ni waa, sianmba k a sii tuun be ; k k kpia nan binba din donŋ sik na; k a duo na jii kan tien qu; k niib n kua lenŋi. ²¹ T saa kpo kun tuntot e ; k ji k ii be k niib saa kpaanii ŋaan kan ban lai ni. Min Yennu e paak na.