1 Kangbennuk pak maan, k yet in ulanbonaa a: 2 Nifo saalik bija, ŋmantl a nunŋ k tokin Amon niib na, k wannib bonbiil nba saa baalb! 3 A yet Amon niib manŋ a: I i eenŋ man kangbennuk yennu maan! yomidaanɔ, kangbennuk, piak a: 4 I i pal nba daan man k ii yikin kpam nan palmann, ba daan biil n jiantu ŋasaakak na, k bia biil Isaael duo, k bian jii sudaa niib k saan nanm digban fann k b tan tie daaba na, paak, I i palaa nba daan man kii kpam n, l paak, n saa tek nibuolu nba be yendopo, kunkuok po na, nbaal lekii, k kɔn nyannii. B saa caan b kanŋ ii duo ninŋe kii be, k di ii tiluanaa na, k nyuuii naabiin. 5 N saa tek labaa duo n kpant yunyokt gungon buol, k Amon tieb duo n kpant peii gunguon buol. ŋann nae kii saa bann nan minii tie kangbennuk yennu. 6 K maan kangbennuk, t yomdaanɔ i yet a: yaa poii niipuot, k kpam, k yuuk mobit, kii palaa man nan baa tun Islaael tieb linba na paak i tien, k n mun saa tunnii n na, 7 N saa jii-i k kubinii digbatia, k bin fati bonaa kul. N saa te k bin biil ii duo manŋ fasfa, kii ji k pukin n duoii nba k tu mɔ kann ni, ŋann nae k a saa bann nan minnii tie kangbennuk. 8 Kangbennuk yennu, yet a: moab tiebn, nan seil yaan yet a: gotl, sudaa duo mun ji tie nan digbanliaa na! 9 L yaa paak, n saa luto moab duo'na tanmobii k yaan, ŋam nan duoii nba kpiab na, Bet sesimot, nan Baal Meon, nan Kilsaaim doii, k cab, 10 K niib nba be yendopo, kunkuok paak nae, a bin kua k lek Amon, k kɔn nyannɔ, k biilɔ Fas, k Amon duo niib ji da pukii n duoii kann ni. 11 N saa bu Moab tieb buut k biilb. ŋannnae k b saa bann nan minniit tie kangbennuk. 12 Kangbennuk yennu yet a: Edom tieb nba an nan b mɔk panŋ, k fiil kɔn b wɔnŋ paak, k kɔn nan sudaa tieb, k jiien b pann na, L paak te, 13 K kangbennuk yet a: N saa tant n nuu Edom paak, k kpi niib, nan b bonkobit n ba kul be duo mann ni. N saa t k duo manŋ tinɔ na, dual yann, laa nyii Teman duo k tan saan tuu Dedan duoi b kul saa kpo tɔb ninŋe. 14 N saa tɔkin n niib Islaael ninŋe, k kɔn nan Edom, k jiien n pann; Minkangbennuk yennu i yeta: N niib n biil Edom tieb, k tan janŋ n wutuol nba duo b paak bannu nba; ŋanne k b saa bann n pann, jiinnu nba tie bannunba. 15 Kangbennuk yennu yeta: fiilis tieb nba yaa b mɔk panŋ, kɔn b mɔny paak na, k lol b nuak ni, nan tonuu, a bin bii bonnaa kul k lin tien yann na, 16 L paak, kangbannuk yennu yet a: N saa tant n nuu Fiilis tieb paak, k kpi keletieb, k bia biil linba tenn k kook mɔk l kpinŋ na kul. 17 N pann jiinu manŋ ni, n saa donn wutuol k dat b tubaa fanu, k bin la n wutuol nba tie bianŋinba, k bann nan mine tie kangbannuk, yennu.