¹ Binna ŋanyia ni ŋmaalii piik da piik daal k kagbennu pakinanin k yet'a: ² nulɔ bija, a dak diani ni daal ne, l daal ni babilonn kpanbal saa nakin selusalem. ³ Yetil n niib nba tie mɔyet dammna a: kagbennu yendu yeta n yakin bobil k tien nyun lenŋ. ⁴ Tient nanbul ŋaana, nami nan buat nant k bia luon kpaba nba mɔk nanbɔna na lini, ⁵ Lukitil pekpammil pei ni k kpi, k kuun daat bobil na lɔn ni k ŋaan nant nan kpaba ne n daa k tan biel. ⁶ L paakin t k kagbennu yendu yet'a: yubɔnn duo nba k sɔn muant, k bobil gbie nan kutmont k kutmont mony k nyii. Lotil nant na bul bul ŋaan sua baka kaa nan baa jikit k tie linba. ⁷ Klma sɔn nba muan ne be b muan ne be b sikini ; b muan tampiiuk paak, b k muan tinŋ paak ka ka saa piin sɔn monŋ nan tant. ⁸ K fit k min wann n wutuɔl nan n palbienn n muont b sɔn tanpiiuk paak k bindaa fit k piint. ⁹ L paak n te k kagbennu t yendu yet'a: yubɔnn duo nba k sɔn muant na. ¹⁰ N saa puon daat. Puon daat k juo muu, yakin nant na, k ŋaan kpinnyun nan fual, ki kpaba ne n tan kab. ¹¹ Yakin bob koonn na musankuana paak ki lin, tonŋ k mɔnn, ŋanne k bolbl ne sa nann k tintanii n dii muu. ¹² N yabil k tun l kul a n nyinn tintanii bobl na paak. Mɔtana n ji saa jii muue k lin din tintɔnii na. ¹³ A mantik gbie nan cincontin nan tuonbiit nba kin kan fit wuul ka ŋaan, I sii be jɔkint ni nan maa tan saa te wutuol n baal i paak. ¹⁴ Min kagbennu nyet'a, k yuo saa baala, k l tie k lin tien, n kan tunn pole tuna n bia kan tinm ninbaɔk. B saa la tubdatu k dukin b tuonbiit na paak. Min kagbennu yendu e pak na. ¹⁵ K kagbennu la baal yet'a: ¹⁶ Nulɔ bija, n saa nyinn nulɔ nba ka mantik luonɔ manfuol, A kan fabin a bia kan mɔɔ ŋanika k sikin ninnyunt. ¹⁷ I kulii a pal ni. A daa koii kpien yut, lol a yul k pil a taacaat, a daa dɔk a nunpo k bia daa di kpejiet. ¹⁸ N daan paak nan duo niib sanyiok ni ki l daajuok kin ŋaapuo kpo, kil sanyafannik kin tun yendu nba wannin biayinba na. ¹⁹ Duo niib yet'a: A kan wan timm linba paak kaa k mɔ fabin a ŋaapuo kuun paaki? ²⁰ ŋanne kin yetiba: kagbenu pak nanin na: ²¹ A wann Israel tieb kagbennu maan na. I luon yii baat i buol ki bali ŋaan i saa kpib nan juk banjiak. ²² Ki ji saa tun na maa tun biaŋinba na. Ki kan dɔkin i numpo ŋanika ki kan di kpejiet. I ²³ saa fin i yuul kpaljat k pil taacaat, i ki fabin i bia kan mɔɔ, k sii waabit k liat k dukin i tuonbiit paak. Isekiel sii tie ninnony i po. ²⁴ I saa tun nan waa tun biaŋinba na k li tie k linba na kul tan baal, i saa bann nan n tie kagbennu yendu. ²⁵ FIn nulɔ bija, daalinba kin saa nyinn limba tie b pany n k b mɔk dontin mɔny nann, b sa kpamm li paak k bia nyinn b bonjai nan bonpai na. ²⁶ L daal ni sua saa tin nyi duo na ni k baal ki tan wanna linba tun. ²⁷ K daal monŋ ni a mɔb saa luot kaa piak nanɔ k ji k tie muuk. A sii tie nyinn k tul niib na ki bann nan mine tie kagbennu.